قازاقستاندا جاسالعان: «ٴاستانا-ونىم» زاۋىتىنداعى ٴبىر كۇن (فوتو)

استانا. 1 ٴساۋىر. baq.kz - «قازاقستاندا جاسالعان» اكسياسى اياسىندا astana.kz سايتىنىڭ ٴتۇسىرىلىم توبى «ٴاستانا-ونىم» زاۋىتىنا بارىپ قايتتى. «ٴاستانا-ونىم» اكسيونەرلىك قوعامى 1998 جىلى قۇرىلعان. ونەركاسىپ اسىل تۇقىمدى مال شارۋاشىلىعىمەن، وسىمدىك شارۋاشىلىعىمەن، جىلقى شارۋاشىلىعىمەن، سونداي-اق قىمىز، شۇبات سەكىلدى ٴسۇت ونىمدەرىن وندىرۋمەن اينالىسادى. بۇگىنگى تاڭدا كاسىپورىندا ٴسۇت ونىمدەرىنىڭ 23 ٴتۇرى شىعارىلادى دەپ حابارلايدى استانا قالاسى اكىمدىگىنىڭ ٴباسپاسوز قىزمەتى. 

«ٴاستانا-ونىم» زاۋىتىنىڭ جۇمىسىنىڭ باستى باعىتى - مەملەكەتتىك رەزيدەنسيالار مەن باسقا دا مەكەمەلەرگە جەتكىزىلەتىن جوعارى ساپالى اۋىل شارۋاشىلىق ونىمدەرىن شىعارۋ بولىپ تابىلادى.

زاۋىت كۇن سايىن 10 توننا ٴسۇت ٴونىمىن وندىرەدى. ٴونىمنىڭ باسىم بولىگى رەزيدەنسيالار، ٴتۇرلى مەكەمەلەر، بالاباقشالار، اۋرۋحانالار، ساۋدا ورتالىقتارى مەن ەلوردا دۇكەندەرىنە تاسىمالدانادى.

«ٴاستانا-ونىم» اق باس ديرەكتورى عالىمجان ٴابدىحالىقوۆتىڭ ايتۋىنشا، ونەركاسىپ ەلورداداعى ٴبىر سۋپەرماركەتكە ورتا ەسەپپەن كۇنىنە 300 ليتر ٴسۇت جەتكىزەدى.

عالىمجان ٴابدىحالىقوۆ، «ٴاستانا-ونىم» اق باس ديرەكتورى:

«سىزدەر بۇگىن قازىرگى زامانعى اۋىل شارۋاشىلىق كلاستەرىن كورىپ وتىرسىزدار. ول 2014 جىلى پايدالانۋعا بەرىلگەن بولاتىن. ٴسۇت زاۋىتى بۇعان دەيىن ميچۋرينو اۋىلىندا ورنالاسقان. ٴقازىر كراسنوياركا ەلدى مەكەنىندە، وتكىزۋ بازاسى دا وسى جەردە».

كاسىپورىندا قولدانىلاتىن بارلىق قوندىرعىلار گەرمانيادان ساتىپ الىندى. قازىرگى ۋاقىتتا زاۋىتتا 303 ادام، ونىڭ 20-سى ٴسۇت ونەركاسىبىندە جۇمىس ىستەيدى. كومپانيا جۇمىسشىلارىنىڭ كوبى – جاقىن ماڭداعى اۋىل تۇرعىندارى.

2004 جىلى قر اۋىل شارۋاشىلىعى ٴمينيسترىنىڭ بۇيرىعىمەن «ٴاستانا-ونىم» اق ٴىرى قارا مال ٴوسىرۋ بويىنشا اسىل تۇقىمدى مال شارۋاشىلىعى ستاتۋسى بەرىلدى. 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!