قازاقستاندا شەتەلدىك ۆاليۋتا تاپشىلىعى جوق – ۇلتتىق بانك

استانا. 19 جەلتوقسان. baq.kz - قازاقستان رەسپۋبليكاسىنىڭ ۇلتتىق بانكى ەلدە قولما-قول شەتەل ۆاليۋتاسى تاپشىلىعىنىڭ جوق ەكەندىگىن مالىمدەيدى، دەپ حابارلايدى bnews.kz ٴتىلشىسى. 

«قازاقستان رەسپۋبليكاسىنىڭ ۇلتتىق بانكى جانە ونىڭ اۋماقتىق فيليالدارى ەلدىڭ بارلىق وبلىستارىندا، سونداي-اق استانا جانە الماتى قالالارىندا ۆاليۋتا نارىعىنداعى احۋالعا كۇندەلىكتى مونيتورينگتى جۇزەگە اسىرادى. ايىرباستاۋ پۋنكتتەرى ەكىنشى دەڭگەيدەگى بانكتەردىڭ تاراپىنان دا، سول سياقتى ۇلتتىق بانكتىڭ تاراپىنان دا قولما-قول شەتەل ۆاليۋتاسىنىڭ جەتكىلىكتى كولەمى قامتاماسىز ەتىلگەن»، - دەپ كورسەتىلگەن حابارلامادا.

ايتا كەتۋ كەرەك، رەسەي ٴرۋبلى باعامىنىڭ وزگەرۋىنە بايلانىستى ەلىمىزدەگى ۆاليۋتا نارىعىندا ٴبىرقاتار تولقۋلار تۋىنداعانى بەلگىلى. كورشى ەلدەگى ەكونوميكالىق جاعدايعا الاڭداعان قازاقستاندىقتار سوڭعى ۋاقىتتا رۋبل جانە باسقا دا شەتەل ۆاليۋتالارىن كوپتەپ ساتىپ الىپ، رەسەيمەن شەكارالاس وڭىرلەردە قىزۋ ساۋدا جاساۋعا كىرىسكەن.

ەستەرىڭىزگە سالا كەتەيىك، ەلىمىزدە 2014 جىلعى 19 جەلتوقسانداعى ۆاليۋتا باعامىنا سايكەس:

تەڭگەنىڭ دوللارعا شاققانداعى باعامى – 182.05 (usd/kzt).

تەڭگەنىڭ ەۋروعا شاققانداعى باعامى – 224.34 (eur/kzt)

تەڭگەنىڭ رۋبلگە شاققانداعى باعامى – 3.01 تەڭگە (rub/kzt). 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!