قازاقستاندا پايدالانىلعان اۆتو قۇنى جىل سوڭىنا قاراي ارزاندايدى

الماتى. ماۋسىمنىڭ ٴ27-سى. bnews.kz – قازاقستاندا پايدالانۋدا بولعان اۆتموبيلدەر قۇنى تەك از ۋاقىتقا دەيىن كوتەرىلىپ، 2011 جىلدىڭ سوڭىنا قاراي قايتا ارزاندايدى. بۇل جونىندە «bnews.kz» اا تىلشىسىنە بەرگەن سۇحباتى بارىسىندا قر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتى ەكونوميكالىق زەرتتەۋلەر ٴبولىمىنىڭ مەڭگەرۋشىسى انار راقىمجانوۆا مالىمدەدى.

«اۆتوموبيل بىزدە ٴبىرشاما ينۆەستيسيالىق تاۋار بولىپ سانالادى. مەنىڭ ويىمشا، پايدالانىلعان اۆتوكولىكتەر قۇنى تەك از ۋاقىتقا، 3-4 ايعا عانا كوتەرىلۋى مۇمكىن. سودان كەيىن ولار ٴبارىبىر جىل سوڭىنا قاراي قايتا ارزاندايدى»، - دەدى ا. راقىمجانوۆا.

ونىڭ پىكىرىنشە، اۆتوموبيل نارىعىندا الىپ-ساتارلاردىڭ ارقاسىندا جاساندى باعا اۋىتقۋشىلىق قالىپتاسقان.

«تەز الىپ-ساتۋ. اتالمىش پسيحولوگيالىق فاكتور بۇگىنگى كۇنى ۇلكەن ماڭىزعا يە. باعا دۇربەلەڭ سالدارىنان ىلگەرى دومالاۋدا. كەيىن ول باعا قايتا ارزاندايدى، سەبەبى ەلگە ەنگىزىلگەن اۆتوكولىكتەردىڭ كولەمى تىم ۇلكەن جانە ول قالايدا باعانىڭ تومەندەۋىنە ىقپال ەتەدى»، - دەپ قوستى ا. راقىمجانوۆا.

«قارجى مينيسترلىگىنىڭ مالىمەتتەرىنە سايكەس، ەلگە 100 مىڭنان استام كولىك ەنگىزىلگەن. بۇل وتە كوپ. كەدەندىك راسىمدەۋدى ەسكەرگەن كۇننىڭ وزىندە دە باعا ارزاندايدى دەپ ويلايمىن، سەبەبى نارىق تاۋارمەن ارتىعىنان قامتىلعان، اۆتوموبيل دە كەز كەلگەن تاۋار ٴتارىزدى توزادى جانە ت.ب. سول سەبەپتى باعا ۇنەمى جوعارىدا قالا بەرمەيدى دەپ ەسەپتەيمىن»، - دەدى ول.

http://www.bnews.kz/kk/news/post/53448/

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!