استانا: 
583 
0
استانا. 16 ناۋرىز. baq.kz - 2015 جىلدىڭ قاڭتار-اقپان ارالىعىندا قازاقستاندا مۇنايدىڭ ىلەسپە گازىن ٴوندىرۋ كورسەتكىشى 4،009 تەكشە مەتردى قۇراپ وتىر، بۇل بىلتىرعى جىلعى كەزەڭمەن سالىستىرعاندا 15،1 پايىزعا ارتىق.
قر ۇلتتىق ەكونوميكا مينيسترلىگى ستاتيستيكا كوميتەتىنىڭ حابارلاۋىنشا، ەسەپتى كەزەڭدە ديزەلدىك وتىن ٴوندىرىسى بىلتىرعا قاراعاندا 14،4 پايىزعا ارتىپ، 772،9 مىڭ توننانى قۇراسا، مازۋت ٴوندىرىسى 12،9 پايىزعا تومەندەپ، 516،2 مىڭ توننا بولدى.
«2015 جىلدىڭ قاڭتار-اقپان ارالىعىندا 11،137 ملن. توننا شيكى مۇناي جانە 2،161 ملن. توننا گاز كوندەنساتى ٴوندىرىلدى. ەسەپتى كەزەڭدە وندىرىلگەن تابيعي گاز كولەمى رەسپۋبليكادا 17،400 ملرد. تەكشە مەتردى قۇرادى. اۆياسيالىق بەنزيندى قوسا العاندا 429،9 مىڭ توننا بەنزين وندىرىلگەن. بۇل 2014 جىلدىڭ قاڭتار-اقپان ارالىعىمەن سالىستىرعاندا 3،1 پايىزعا ارتىق»، - دەلىنگەن ٴباسپاسوز حابارلاماسىندا.
بۇدان بولەك، قازاقستاندا اعىمداعى جىلدىڭ وتكەن ەكى ايىندا ەلەكتر ەنەرگياسىن ٴوندىرۋ 2،7 پايىزعا تومەندەپ، 16،876 ملرد كۆت/ساعات ەلەكتر ەنەرگياسى وندىرىلگەن. بۇل 2014 جىلدىڭ قاڭتار-اقپانىمەن سالىستىرعاندا 2،7 پايىزعا كەم كورسەتكىش.
سونىمەن بىرگە مۇنايدىڭ ىلەسپە گازىن ٴوندىرۋ كورسەتكىشى 4،009 تەكشە مەتردى قۇراپ وتىر. بۇل 2014 جىلعى وسى كەزەڭمەن سالىستىرعاندا 15،1 پايىزعا ارتىق كورسەتكىشكە يە بولىپ وتىر.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5013
0