قازاقستاندا ەڭ جوعارى جالاقى الاتىن ايماق انىقتالدى

استانا. 26 جەلتوقسان. baq.kz - 2014 جىلعى قاراشادا ٴبىر قىزمەتكەردىڭ ورتاشا ايلىق اتاۋلى جالاقىسى 119111 تەڭگەنى قۇرادى. اتاۋلى جالاقى يندەكسى 2013 جىلعى قاراشاعا 111،0%، ال ناقتى جالاقى يندەكسى 103،2% قۇرادى. بۇل تۋرالى almaty.tv ٴتىلشىسى ستاتيستيكا كوميتەتىنە سىلتەمە جاساي وتىرىپ حابارلايدى.  

سالالىق قۇرىلىمدا ەڭ ۇلكەن جالاقى كەن ٴوندىرۋ ونەركاسىبى مەن كارەرلەردى قازۋدا – 249،0 مىڭ تەڭگە (ورتاشا رەسپۋبليكالىق دەڭگەيدەن 2،1 ەسەگە استى)، كاسىبي، عىلىمي جانە تەحنيكالىق قىزمەتتە – 229،0 مىڭ تەڭگە (1،9 ەسەگە استى)، قارجى جانە ساقتاندىرۋ قىزمەتىندە – 224،1 مىڭ تەڭگە (1،9 ەسەگە استى) بەلگىلەندى. ەڭ تومەنگى جالاقى اۋىل، ورمان جانە بالىق شارۋاشىلىعى قىزمەتكەرلەرىندە بەلگىلەندى – 69،5 مىڭ تەڭگە، بۇل ەل بويىنشا ورتا كورسەتكىشتەن 41،7%-عا تومەن.

وڭىرلىك بولىنىستە ەڭ جوعارعى جالاقى اتىراۋ وبلىسىندا بەلگىلەندى – 213،7 مىڭ تەڭگە، بۇل ورتاشا رەسپۋبليكالىق كورسەتكىشتەن شامامەن 1،8 ەسەگە اسادى. سولتۇستىك وبلىسىندا مۇنىڭ شاماسى 79،2 مىڭ تەڭگەنى قۇرادى. بۇل ەل بويىنشا ورتاشا دەڭگەيدەن 33،5%-عا تومەن. 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!