قازاقستاندا ەلەكتر قۋاتى قىمباتتادى

استانا. 25 قاراشا. baq.kz – ٴبىر جىلدىڭ ىشىندە قازاقستاندا ەلەكتر قۋاتى 6،2%-عا قىمباتتاعان. 2014 جىلدىڭ قازان ايىندا 100 كۆت/ساع 1100 تەڭگەنى قۇرادى. ال 2013 جىلدىڭ قازان ايىندا 1036 تەڭگە بولعان. بۇل تۋرالى almaty.tv ٴتىلشىسى ranking.kz سايتىنا سىلتەمە جاساي وتىرىپ حابارلايدى. 

ەلەكتر قۋاتى 15 ايماقتا قىمباتتاعان. تاريفتەردىڭ ەڭ جوعارى جىلدىق ٴوسىمى جەزقازعاندا تىركەلگەن - 37% -عا (400 تەڭگە).

الماتى قالاسىنىڭ تۇرعىندارى ٴۇشىن ەلەكتر قۋاتى قىمباتقا سوعۋدا – 100 كۆت/ساع 1621 تەڭگە. ودان كەيىن قوستاناي جانە قىزىلوردا قالالارى ورنالاسقان – 1537 جانە 1502 تەڭگە.

ەڭ ارزان ەلەكتر قۋاتى اقتاۋ، اتىراۋ جانە ورال قالالارىندا تىركەلدى. اقتاۋدا نەگىزگى تاريف 538 تەڭگەنى قۇرايدى. بۇل رەسپۋبليكالىق كورسەتكىشتەن 2 ەسە از.

باعانىڭ تومەندەۋى اقتوبەدە تىركەلگەن. بىلتىرعى جىلمەن سالىستىرعاندا قۇن 2%-عا ازايعان. 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!