استانا: 
471 
0
استانا. شىلدەنىڭ ٴ8-ى. bnews.kz – قازاقستاندا جەڭىلدەتىلگەن كەدەندىك راسىمدەۋ مەرزىمى اياقتالىسىمەن اۆتوكولىكتەردىڭ باعاسى 30%-عا شارىقتاپ كەتتى. ٴبىر قىزىعى، ولاردىڭ ٴبارى قازاقستانعا جاڭا كەدەندىك باج سالىعى كۇشىنە ەنبەي تۇرىپ اكەلىنگەن اۆتوكولىكتەر، دەپ حابارلايدى «31 ارنا».
تەلەارنانىڭ اقپاراتتارى بويىنشا، باعا شارىقتاپ تۇر، اۆتوبازار بوس. جەڭىلدەتىلگەن مولشەرلەمەمەن راسىمدەپ ۇلگەرگەندەر كولىكتەرىن باعا ٴالى ٴوسۋى مۇمكىن دەگەن ۇمىتپەن بازارعا شىعارۋعا اسىعار ەمەس. ال ساتىپ الۋشىلار بولسا،ٴالى قانشا جيناۋ كەرەك دەگەن ويمەن اقشالارىن قايتا-قايتا ساناپ قويۋدا.
اۆتوساۋداگەرلەر باعا ٴالى وسەدى دەپ بولجاۋدا. ٴقازىر قازاقستانداعى اۆتوبازارلاردىڭ جاعدايىن وزگە مەلمەكەتتەردىڭ اۆتوديللەرلەرى دە زەرتتەۋگە كىرىسكەن.
مامانداردىڭ بولجاۋىنشا، جەڭىلدەتىلگەن كەدەندىك راسىمدەۋ مەرزىمىنىڭ اياقتالۋىنا بايلانىستى قازاقستاندىقتار ٴۇشىن از ٴليترلى كولىككە جايعاسۋ قاي جاعىنان الىپ قاراسا دا قولايلى. سەبەبى قوزعالتقىش كولەمى ۇلكەن اۆتوكولىكتەردى ەلگە ەنگىزۋ ٴقازىر كەز كەلگەن ساۋداگەر ٴۇشىن ٴتيىمسىز بولىپ تۇر. ازىرگە بازارعا ەسكى تاريفپەن راسىمدەلگەن بىرەن-ساران اۆتو شىعارىلعان، جاڭا تاريفپەن كىرگەن كولىكتەر بازارعا كۇزگە قاراي شىعادى دەپ كۇتىلۋدە. نەگىزىنەن ولار ەۋروپا مەن اراب امىرلىگىنەن تاسىمالداناتىن بولادى.
http://www.bnews.kz/kk/news/post/54180/
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5010
0