BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان مەن ۇلىبريتانيا اراسىنداعى ىنتىماقتاستىق نىعايىپ كەلەدى

بۇگىن قازاقستان رەسپۋبليكاسى ينۆەستيسيالار جانە دامۋ ٴمينيسترى جەڭىس قاسىمبەك ۇلىبريتانيا بىرىككەن كورولدىگى مەن سولتۇستىك يرلانديانىڭ ساۋدا جانە ينۆەستيسيالار ٴمينيسترى گرەگ حەندسپەن كەزدەستى، دەپ حابارلايدى baq.kz.

كەزدەسۋ بارىسىندا الدا وتەتىن ساۋدا-ەكونوميكالىق، عىلىمي-تەحنيكالىق، مادەني ىنتىماقتاستىق جونىندەگى قازاقستان-بريتان ۇكىمەتارالىق كوميسسياسىنىڭ 4 وتىرىسى تۋرالى، سونداي-اق قازاقستان مەن ۇلىبريتانيا اراسىنداعى ينۆەستيسيا، تاۋ-كەن، اۋىل شارۋالىشىعى سياقتى پەرسپەكتيۆالى باعىتتار بويىنشا سەرىكتەستىك ورناتۋ جايىن تالقىلادى.

«مەن ەكى ەل اراسىنداعى قارىم-قاتىناستىڭ جىل سايىن نىعايىپ كەلە جاتقاندىعىن ەرەكشە اتاپ وتكىم كەلەدى. ۇلىبريتانيا – ٴبىزدىڭ ەۋروپاداعى ەڭ ٴىرى ستراتەگيالىق سەرىكتەستەرىمىزدىڭ ٴبىرى»، دەدى جەڭىس قاسىمبەك.

cونداي-اق، كەزدەسۋ بارىسىندا قىتاي-قازاقستان- ۇلىبريتانيا اراسىن بايلانىستىراتىن « ۇلى جىبەك جولى» ەكونوميكالىق بەلدەۋىن جۇزەگە اسىرۋدا بىرلەسىپ جۇمىس اتقارۋ ٴۇشىن ٴۇشجاقتى كەلىسىم ورناتۋ ماسەلەسى دە ٴسوز بولدى.

بۇگىندە قازاقستان تەرريتورياسى ارقىلى قىتاي مەن ەۋروپانىڭ اراسىندا 15 ترانزيتتىك كونتەينەرلىك پويىز جۇرەدى. وتكەن جىلى «قىتاي-ەۋروپا-قىتاي» باعىتىنداعى ترانزيتتىك كونتەينەرلەر تاسىمالى 104،5 مىڭعا جەتىپ، 2015 جىلمەن سالىستىرعاندا ەكى ەسەگە ارتىپ وتىر (49،9 مىڭ كونتەينەر).

2017 جىلى چجەسزيان (قحر) – لوندون ( ۇلىبريتانيا) باعىتى بويىنشا العاشقى جۇك كونتەينەرلىك پويىزى ىسكە قوسىلدى. ەندىگى رەتتە بۇل باعىت بويىنشا جۇكتى تۋرا 18 كۇن ىشىندە جەتكىزەتىن مۇمكىندىك تۋدى. بۇل جۇك كەمەسىنە قاراعاندا قىزمەتىن 30 كۇن ەرتە ورىندايدى.

بۇگىندە ۇكىمەتارالىق كوميسسيا اياسىندا ٴبىلىم جانە عىلىم، ەنەرگەتيكا، تاۋ-كەن ونەركاسىبى باعىتتارى بويىنشا 4 جۇمىس توبى جۇمىس ىستەيدى.

ۇلىبريتانيا - تاۋار اينالىمى بويىنشا قازاقستاننىڭ ەڭ ٴىرى 10 سەرىكتەسىنىڭ قاتارىنا كىرەدى، سونداي-اق، قازاقستانعا ەڭ كوپ ينۆەستيسيا اكەلەتىن ۇزدىك التى ەلدىڭ قاتارىندا. ۇلىبريتانيا سوڭعى 12 جىل ىشىندە قازاقستانعا جالپى كولەمى 12،1 ملرد. اقش دوللارىن قۇرايتىن تىكەلەي ينۆەستيسيا اكەلدى (2005 جىلدان 2017 جىلدىڭ ٴبىرىنشى توقسانىنا دەيىنگى كورسەتكىش بويىنشا تىكەلەي ينۆەستيسيا كولەمى 12 278،2 ملن. اقش دوللارىن قۇرايدى). بۇل - قازاقستانعا تارتىلعان جالپى شەتەلدىك ينۆەستيسيانىڭ 5%-ى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي