BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان مەن ازەربايجان اراسىنداعى اۆتوكولىكپەن جۇك تاسىمالداۋ كولەمى 31% ارتتى

فوتو: Бизнес журнал

قر پارلامەنتىنىڭ سەناتى «قازاقستان رەسپۋبليكاسى مەن ازەربايجان رەسپۋبليكاسى اراسىنداعى حالىقارالىق اۆتوموبيل قاتىناسى جونىندەگى كەلىسىمدى راتيفيكاسيالاۋ» تۋرالى قر زاڭ جوباسىن ٴبىرىنشى وقىلىمدا ماقۇلدادى، دەپ حابارلايدى baq.kz اقپارات اگەنتتىگى.

كەلىسىمدە ەكى ەل اراسىنداعى اۆتوموبيل تاسىمالىن جاساۋ ٴۇشىن قۇقىقتىق نورمالار بەلگىلەنگەن. وندا رۇقساتتاما بلانكىلەرىمەن الماسۋ كۆوتالارىن جانە ونىڭ تۇرلەرىن بەلگىلەۋ ٴتارتىبى رەتتەلگەن. اتالعان كەلىسىمدى جۇزەگە اسىرۋ اۆتوموبيل تاسىمالىن جانە قازاقستان-ازەربايجان ساۋدا-ەكونوميكالىق ىنتىماقتاستىعىن ٴارى قاراي دامىتۋعا مۇمكىندىك بەرەدى.

2017 جىلى ەكى ەل اراسىندا اۆتوكولىكپەن جۇك تاسىمالداۋ كولەمى 31% ٴوسىپ، 9 مىڭ توننانى قۇرادى. بارلىعى 600 رەيس جاسالدى. نەگىزگى تاسىمالداناتىن جۇكتەر - جابدىقتار، وسىمدىك پەن مالدان الىناتىن ونىمدەر، قارا جانە ٴتۇستى مەتالدار، دايىن ازىق-تۇلىك ونىمدەرى.

ايتا كەتۋ كەرەك، بۇگىنگى تاڭدا قازاقستان 41 ەلمەن اۆتوموبيلدىك تاسىمال كەلىسىمىن جاساسقان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي