قازاقستان جوكە شىعارۋ بويىنشا الەم كوشباسشىسى

الماتى. ماۋسىمنىڭ 29-ى. bnews.kz - قازاقستان جوكە شىعارۋ بويىنشا الەم كوشباسشىسى. بۇل جونىندە الماتىدا ٴباسپاسوز ٴماجىلىسى كەزىندە «kaznex invest» اق باسقارما باستىعى ەرلان ارىنوۆ مالىمدەدى، دەپ حابارلايدى bnews.kz ٴتىلشىسى.

«ٴبىز جوكە شىعارۋ بويىنشا الەمدە ٴبىرىنشى ورىندا ەكەنىمىزدى بىلەسىزدەر مە؟ تابيعي جوكەلەر. ٴبىز ٴقازىر جوكە ٴوندىرىسى بويىنشا الەم كوشباسشىسىمىز»، - دەدى ە. ارىنوۆ.

ونىڭ ايتۋى بويىنشا، «قازاقستاندىق جوكەلەر اسىرەسە رەسەي مەن ەۋروپادا ۇلكەن سۇرانىستا».

قازاقستاندىق جوكە تابيعي تازا ماتەريالداردان – وزبەكستان رەسپۋبليكاسىندا تابيعي ورتادا وسىرىلەتىن ٴسانقاباقتان (ليۋفا) ازىرلەنەدى. ونىڭ وسكەن تابيعي ورتاسى مەن شىجىعان كۇن ٴسانقاباق تالشىقتارىنىڭ قۇرامىن نارلەندىرىپ، تەرى كۇتىمى ٴۇشىن ەڭ ٴتيىمدى ٴارى بىرەگەي شيكىزاتتىڭ قالىپتاسۋىنا قولايلى جاعداي جاسايدى. ٴسانقاباقتىڭ نەگىزگى اتاۋى ليۋففا، لۋففا نەمەسە ليۋفا (لات. luffa) — اسقاباق تەكتەس وسىمدىك. ازيا مەن افريكانىڭ تروپيكالىق نەمەسە سۋبتروپيكالىق ايماقتارىندا وسەدى. ٴسانقاباق نەگىزىندە جاسالعان جوكە اعزا جۇمىسىن جاقسارتىپ، تەرىنى جاقسى تازارتىپ، جاسارتادى، سونىمەن قاتار انتيسەلليۋليتتىك قاسيەتتەرىنە يە. سۋعا سالعاندا ٴپىشىمى ٴوسىپ، يىلگىش كەلەدى، سونىڭ ارقاسىندا تەرىنى اسا زاقىمدامايتىن ورتاشا قاتتى ٴارى كوپىرگىش كۇيگە ەنەدى.

ٴبىرقاتار ەلدەر ورتالىق-ازيالىق ٴسانقاباقتان ازىرلەنگەن قازاقستاندىق جوكەنى بىرنەشە ونداعان جىلدار بويى پايدالانىپ كەلەدى. ەكولوگيالىق جاعدايدىڭ كۇن سايىن كۇردەلەنە تۇسۋىنەن، سونداي-اق تابيعي تاۋارلاردىڭ تاپشىلىعىنان كوپتەگەن ادامدار اللەرگيالىق دەرتكە شالدىعىپ، سەنتەتيكالىق نەمەسە ساپاسىز تاۋارلاردى پايدالانۋ ولاردىڭ دەنساۋلىعىنا كەرى اسەرىن تيگىزۋدە.

قازاقستاندىق جوكە اللەرگيا قوزدىرمايدى. «kaznex invest» اقپاراتى بويىنشا، ٴونىم بارلىق گيگيەنالىق تەكسەرىستەردەن ٴوتىپ، ەڭ ۇزدىك ناتيجە كورسەتكەن. بارلىق ٴونىم سەرتيفيكاسيادان وتكەن جانە الەمدىك تالاپتارعا تولىعىمەن ساي كەلەدى. ونىڭ بارلىق قۇرامى 100% تابيعي ماتەريالداردان: ٴسانقاباق پەن ماقتادان ازىرلەنەدى.

http://www.bnews.kz/kk/news/post/53691/

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!