BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان ۇلتتىق بانكى مەن قىتاي حالىق بانكى ۇلتتىق ۆاليۋتالارى – «تەڭگە» مەن «يۋان» الماستىعى جونىندە كەلىسىمگە قول قويدى

استانا. ماۋسىمنىڭ ٴ14-ى. bnews.kzكەشە قحر ٴتوراعاسى حۋ سزينتاونىڭ قازاقستانعا مەملەكەتتىك ساپارى شەڭبەرىندە قازاقستان ۇلتتىق بانكى مەن قىتاي ۇلتتىق بانكى اراسىندا «يۋان تەڭگەگە» سۆوپ-وپەراسياسى بويىنشا كەلىسىمگە قول قويىلدى. بۇل تۋرالى قازاقستان پرەزيدەنتى نۇرسۇلتان نازاربايەۆ استانادا بريفينگتە جۋرناليستەرگە حابارلادى.

«…جانا عانا كەلىسسوز قورىتىندىسى بويىنشا قازاقستان ۇلتتىق بانكى مەن قىتاي حالىق بانكىنىڭ اراسىندا «يۋان تەڭگەگە» سۆوپ-وپەراسياسى بويىنشا كەلىسىمگە قول قويىلدى»، - دەپ مالىمدەدى قازاقستان باسشىسى.

اتالمىش كەلىسىمگە قازاقستاندىق تاراپتان قر ۇلتتىق بانكى ٴتوراعاسىنىڭ ورىنباسارى بيسەنعالي ٴتاجياقوۆ قول قويدى.  

ۇلتتىق بانك ٴتوراعاسىنىڭ ورىنباسارى ايتىپ وتكەندەي، قر ۇلتتىق بانكى مەن قىتاي حالىق بانكى اراسىندا 1 ملرد. دوللار كولەمىندەگى (7 ملرد. قىتاي ٴيۋانى مەن 150 ملرد. قازاقستاندىق تەڭگە اراسىنداعى) سۆوپ-وپەراسيا بويىنشا كەلىسىمگە قول قويىلدى.

«كەلىسىمگە قول قويعاننان كەيىن ەكى جاقتى كوررەسپوندەنتتىك ەسەپ اشاتىن بولامىز. بۇل سوما شامامەن ٴۇش جىل ىشىندە يگەرىلەتىن بولادى. ٴبىز بۇل جەردە ٴۇشىنشى ۆاليۋتا، ياعني دوللاردى اينالىپ ٴوتىپ وتىرمىز. سوندىقتان مۇندا ٴاربىر تاراپ وزىنە ٴتيىمدىسىن الۋدا»، - دەدى ب.ٴتاجياقوۆ.

ونىڭ ايتۋىنشا، اتالمىش كەستە بويىنشا جۇمىس اعىمداعى جىلدىڭ 1 شىلدەسىنەن ىسكە قوسىلاتىن بولادى.

http://www.bnews.kz/kk/news/post/52509/


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي