قازاقستان-رەسەي: يننوۆاسيا سالاسىنداعى ىنتىماقتاستىق - قازاقستان ەكونوميكاسى|24 قاڭتار 2016، 16:14
كۋرسى ۆاليۋت وبنوۆليايۋتسيا
استانا:

قازاقستان-رەسەي: يننوۆاسيا سالاسىنداعى ىنتىماقتاستىق

استانا. 24 قاڭتار. baq.kz - قازاقستان مەن رەسەي اراسىنداعى يننوۆاسيا بويىنشا ىنتىماقتاستىق ەداۋىر ارتىپ كەلەدى.
 

عىلىمي ايماق اتانعان «سكولكوۆو» ەندى قازاقستاندىق قاناتقاقتى جوبالارعا قان جۇگىرتەر ۇلكەن ورتالىققا اينالۋى مۇمكىن. تەلەكوممۋنيكاسيا، عارىش جانە يادرولىق تەحنولوگيا، بيومەديسينا سىندى زامان تالابىنا ساي 50 جوبانىڭ رەزيدەنتتەرى ٴقازىردىڭ وزىندە ونىمدەرىن قازاقستان نارىعىنا اكەلۋگە دايىن. بۇل جونىندە قىزىلوردا وبلىسىنىڭ اكىمى قىرىمبەك كوشەربايەۆ پەن «سكولكوۆو» يننوۆاسيا ورتالىعى باسشىلىعىمەن وتكەن كەزدەسۋ بارىسىندا ايتىلدى. كەلىسىم كەزىندە بىلىكتى ماماندار دايارلاۋ اياسىن كەڭەيتۋ دە ٴسوز بولدى. ماسەلەن، سوڭعى ەكى جىلدا قىزىلوردا وبلىسىنىڭ 320 جاس ورەنى ماسكەۋ مەن سانكت-پەتەربۋرگتىڭ ينجەنەرلىك-تەحنيكالىق ٴبىلىم بەرەتىن وشاقتارىندا ٴبىلىم الىپتى.

راۋان كەنجەحان ۇلى، قىزىلوردا وبلىسى اكىمىنىڭ ورىنباسارى: - مەملەكەت باسشىسى يننوۆاسيالىق دامۋعا قاتىستى حالىقارالىق قارجى ۇيىمدارىمەن، ٴتۇرلى ورتالىقتارمەن ارىپتەستىك ورناتۋدى تاپسىرعان بولاتىن. ٴبىز بۇل جەردە ينجەنەر مامانداردى دايارلاۋ بويىنشا تاجىريبە الماستىق. ايتا كەتۋ كەرەك، وسى ينستيتۋتتىڭ ٴبىلىم بەرۋ ماشىعىن وتاندىق وقۋ ورىندارىندا قولدانساق دەگەن نيەتىمىز بار. سونىمەن قاتار ماگيسترلىك باعدارلاما ٴۇشىن ستۋدەنتتەرىمىزدى وسىندا جىبەرۋگە ارەكەت جاسايمىز.

الەكسەي سيتنيكوۆ، «سكولكوۆو» عىلىم جانە تەحنولوگيا ينستيتۋتىنىڭ ۆيسە-پرەزيدەنتى: - «سكولكوۆو»، «سكولتەح» پەن قازاقستاننىڭ ىنتىمىقتاستىعى ارتىپ كەلەدى. ٴقازىر نازاربايەۆ ۋنيۆەرسيتەتىمەن تىعىز قارىم-قاتىناس ورناتا باستادىق. بۇل ۋنيۆەرسيتەتتىڭ از عانا مەرزىمدە ەداۋىر جەتىستىكتەرگە قول جەتكىزگەنىن جاقسى بىلەمىز. سول دەڭگەيگە جەتسەك دەگەن ويدامىز. سەبەبى ٴبىلىم بەرۋ جۇيەسى بويىنشا مۇددەمىز ورتاق، ۇقساس تۇستار دا كوپ.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي