قازاقستان الەمدىك ەڭ ٴىرى مۇناي ەكسپورتتاۋشىلاردىڭ العاشقى بەستىگىنە ەنۋى مۇمكىن – حەف باس حاتشىسى

استانا. قازاننىڭ ٴ28-ى. bnews.kz — قازاقستان الەمدىك ەنەرگەتيكا نارىعىنداعى ماڭىزدى ويىنشىلاردىڭ ٴبىرى بولىپ تابىلادى جانە ول الەمنىڭ ەڭ ٴىرى مۇناي ەكسپورتتاۋشىلارىنىڭ قاتارىنا ەنۋى مۇمكىن. بۇل جونىندە حالىقارالىق ەنەرگەتيكالىق فورۋمنىڭ باس حاتشىسى نوە ۆان حولست pm.kz سايتىنا بەرگەن سۇحباتىندا مالىمدەدى.

«قازاقستانعا جاساعان العاشقى ساپارىمدا كورگەندەرىم مەنى قاتتى تاڭعالدىردى. ٴقازىر سىزدەردە مۇناي ٴوندىرىسى 1،5 ملن دوللاردى قۇرايدى، ياعني وسىدان ٴۇش جىل بۇرىنعى كورسەتكىشتەن ەكى ەسەگە كوپ. جانە مەن كورگەن ٴوندىرىستىردىڭ ٴبارى ٴارى قاراي دامۋ ۇستىندە»، - دەدى ۆان حولست.

«بۇل دەگەنىڭىز مۇناي ٴوندىرىسى ٴسىزدىڭ ەلدە قارقىندى دامىپ، 2016 جىلعا قاراي كۇنىنە 2 ملن دوللارعا، ٴتىپتى، 2035 جىلى 4 ملن دوللارعا دا جەتۋى مۇمكىن. وسىلايشا، قازاقستان ٴالىمنىڭ ەڭ ٴىرى مۇناي ەكسپورتتاۋشىلارىنىڭ العاشقى بەستىگىنە ەنە الادى»، - دەدى حەف باس حاتشىسى.

سونىمەن قاتار ول قازاقستاننىڭ مۇناي ٴوندىرىسى نارىعىندا ماڭىزدى ويىنشىلاردىڭ ٴبىرى بولىپ تابىلاتىندىعىن جانە كەلەسى ونجىلدىقتاردا دا ونىڭ ٴرولى ارتا تۇسەتىندىگىن ايتىپ ٴوتتى.

حەف باسشىسى قازاقستاندى حالىقارالىق ەنەرگەتيكالىق فورۋمعا قاتىسۋعا شاقىردى.

«مەن ٴسىزدىڭ ەل ۇيىمداستىرىپ وتىرعان وسىناۋ اسەرلى كونفەرەنسيانىڭ («kazenergy» — رەد.) قاتىسۋشىلارىن، سونداي-اق قازاقستان ۇكىمەتىن حالىقارالىق ەنەرگەتيكالىق فورۋمعا قاتىسۋعا شاقىردىم. 86 ەل ەر-ريادتا حەف حارتياسىنا قول قويۋ ارقىلى حەف قاتارىنا قوسىلىپ ۇلگەردى»، - دەدى نوە ۆان حولست.

سونىمەن قاتار ول وسى 86 ەلدىڭ ۇلەسى الەمدىك مۇناي تاسىمالى مەن مۇناي سۇرانىسىندا 95 %-دى قۇرايتىندىعىن ەسكەرىپ ٴوتتى. .

«مەنىڭ ويىمشا، قارىشتاپ دامىپ، شەشۋشى ويىنشىعا اينالىپ كەلە جاتقان قازاقستان ٴۇشىن حەف-تىڭ ەنەرگەتيكالىق جانە ساياسي ديالوگىنا قوسىلۋ اسا ۇلكەن ماڭىزعا يە»، - دەدى حەف باس حاتشىسى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!