استانا: 
445 
0
استانا. 15 ٴساۋىر. baq.kz – بۇگىن ورتالىق كوممۋنيكاسيالار قىزمەتىنىڭ الاڭىندا وتكەن ٴباسپاسوز ٴماسليحاتىندا «قازگەولوگيا» ۇلتتىق گەولوگيالىق بارلاۋ كومپانياسى» اق باسقارما ٴتوراعاسى عالىم نۇرجانوۆ قازاقستان 5 ەلمەن گەولوگيالىق زەرتتەۋ توبىن قۇرعاندىعىن مالىمدەدى، - دەپ حابارلايدى baq.kz ٴتىلشىسى.
- بىرلەسكەن گەولوگيالىق جانە تەكتونيكالىق جانە مينەراگەندىك كارتالاردى جاساي وتىرىپ، قازاقستان مەن قىتايدىڭ شەكارا ماڭىنداعى اۋماقتارىنىڭ گەولوگيالىق كارتالارىن ۇيلەستىرۋ جۇمىستارىن جالعاستىرا تۇسۋدە. سونىمەن قاتار، قازاقستان 5 ەلدىڭ قاتىسۋىمەن (قازاقستان، رەسەي، كورەيا، قىتاي جانە موڭعوليا) شەكارا ماڭىنداعى اۋماقتاردى گەولوگيالىق زەرتتەۋ جونىندەگى جۇمىس توبى قۇرىلدى، - دەدى باسقارما ٴتوراعاسى.
سالا ماماندارىنىڭ ايتۋىنشا، ەلىمىزدە وسىلايشا حالىقارالىق ىنتىماقتاستىق شەڭبەرىندە جوسپارلى جۇمىس ناتيجەسى جۇزەگە اسىپ جاتقان كورىنەدى. اتاپ ايتقاندا، شەت ەل ينۆەستيسيالارىن تارتۋ ماقساتىندا قازاقستان – گەرمانيا ىنتىماقتاستىعى اياسىندا نەمىس تاراپىمەن 15 قپق كەن ورنى بويىنشا ارنايى انىقتامالىق جاسالىپ، ول قازاقستاندىق تاراپپەن ماقۇلدانعان. سونىمەن قاتار، قازاقستاننىڭ تاۋ-كەندىك سەكتورىنا نەمىس جانە ەۋروپالىق كومپانيالاردى تارتۋ ٴۇشىن گەرمانيالىق بيزنەس-قوعامداستىقتار مەن فيرمالارعا ۇلەستىرىلگەن.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5010
0