BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«قاشاعاندى» يگەرۋدىڭ ەكىنشى كەزەڭى كوڭىل كونشىتپەي وتىر

«مينيسترلىك رەتتەۋشى ۆەدومستۆو رەتىندە، ال «قازمۇنايگاز» كومپانياسى اكسيونەر رەتىندە قازاقستان قاتىسىپ وتىرعان بارلىق ٴىرى كاسىپورىندار بويىنشا، ياعني تشو، قاشاعان، قاراشىعاناق اياسىنداعى جوبالاردى ىسكە اسىرۋدا مەملەكەتتىڭ مۇددەسىن بارىنشا ساقتاپ قالۋى ٴتيىس»، دەدى مۇناي جانە گاز مينيسترلىگىنىڭ القا ماجىلىسىنە قاتىسقان ۇكىمەت جەتەكشىسى كارىم ٴماسىموۆ.
 قازاقستان بەكىتىلگەن كەلىسىمشارتتاردىڭ تۇراقتىلىعىنا باسىمدىق بەرەتىنىن تىلگە تيەك ەتكەن پرەمەر-مينيستر: «ينۆەستور كەلىسىلگەن تالاپتاردى ورىنداماسا، وندا ٴبىز كەلىسسوزدەر ۇدەرىسىنە ٴتۇسۋ مۇمكىندىگىنە يەمىز. ەگەر ينۆەستور بارلىق تالاپتاردى ورىندايتىن بولسا، وندا ٴبىز قول قويىلعان كەلىسىمشارتتاردى قولداۋ بويىنشا شارالاردى العا جىلجىتامىز»، دەدى. ٴوز كەزەگىندە ۆەدومستۆا باسشىسى ساۋات مىڭبايەۆ مينيسترلىك وتكەن جىلى مىندەتتەمەلەرىن ورىنداماعان 28 كومپانيامەن ات قۇيرىعىن ۇزىسكەنىن جاريالادى. سونداي-اق ول «قاشاعاندى» يگەرۋدىڭ ەكىنشى كەزەڭى كوڭىل كونشىتپەي وتىرعانىن باياندادى. ەستەرىڭىزگە سالايىق، «قاشاعاننان» قارا التىن الۋ ماسەلەسى كۇنى بۇگىنگە دەيىن 2 رەت كەيىنگە شەگەرىلدى. يتاليانىڭ «ٴenى» كومپانياسى ۇيىپ-توگىپ ۋادە بەرگەنىمەن بۇل ٴىستى 2008 جىلى دا، 2010 جىلى دا جۇزەگە اسىرا المادى. ماجىلىستە «قازمۇنايگاز» كومپانياسىنىڭ باسقارما ٴتوراعاسى قايىرگەلدى قابىلدين 2014 جىلعا قاراي كاسپيي قۇبىرى كونسورسيۋمىنىڭ ەكسپورتتىق الەۋەتىن 50 ملن تونناعا جۋىقتايتىنىن جەتكىزدى. ونىڭ ايتۋىنشا، وتكەن جىلى ەلىمىزدە وندىرىلەتىن مۇنايدىڭ 40،2 پايىزى اتالمىش قۇبىر ارقىلى تاسىمالدانىپتى. ٴسويتىپ، ەكسپورتتالعان مۇنايدىڭ ۇلەسى 71،2 ملن توننانى قۇراپتى. بۇل كورسەتكىش 2009 جىلمەن سالىستىرعاندا 4،5 پايىزعا ارتىق ەكەن. «2010 جىلدىڭ سوڭىندا كاسپيي قۇبىر جەلىسى كونسورسيۋمىنىڭ قۇبىر جۇيەسىن كەڭەيتۋ بويىنشا سوڭعى شەشىمگە قول قويىلدى. بولاشاقتا، ياعني 2014 جىلى اتالعان قۇبىر بويىنشا ەكسپورت كولەمى 50 ملن تونناعا دەيىن جەتەدى. قازىرگى كەزدە بۇل كورسەتكىش 26 ملن توننانى قۇراپ وتىر»، دەدى كومپانيا باسشىسى. بىزگە بەلگىلى بولعانداي، قازاقستاننىڭ مۇناي وڭدەۋ زاۋىتتارى بىلتىر 13،7 ملن توننا شيكى مۇناي وڭدەدى. ٴسويتىپ، ىشكى نارىقتاعى جانار-جاعارمايدىڭ تۇراقتى جەتكىزىلىمىن قامتاماسىز ەتتى. ناتيجەسىندە، كوكتەمگى جانە كۇزگى ەگىس ناۋقانى كەزىندە اۋىل شارۋاشىلىعى تاۋارىن وندىرۋشىلەرىنە قول ۇشىن سوزىپ، 738 مىڭ توننا ارزانداتىلعان ديزەلدىك وتىن جەتكىزدى. ال تابيعي گازعا كەلەتىن بولساق، 2010 جىلى ەلىمىزدە 37،4 ملرد تەكشە مەتر گاز ٴوندىرىلدى. بۇل كورسەتكىش 2009 جىلعا قاراعاندا 3،9 پايىزعا كوپ. وسى وتىرىستا «قازمۇنايگاز» ۇك» اق «ەۋرو-5» ستاندارتىنا كوشۋگە بايلانىستى مۇناي وڭدەۋ زاۋىتتارىن جاڭارتۋدى ۇسىندى. بۇل باستامانى اتالمىش كومپانيانىڭ باسقارۋشى ديرەكتورى دانيار تيەسوۆ كوتەردى. «ٴبىزدىڭ رەسەيلىك جانە بەلارۋستىق ارىپتەستەرىمىز زاۋىتتارىنىڭ «ەۋرو-5» ستاندارتىنا كوشۋى تيىستىگىن جاريالاۋدا. سونىمەن قاتار اتالعان ەلدەردىڭ اۋماعىندا بۇل ستاندارتقا سايكەس كەلمەيتىن موتور مايلارىن ساتۋعا شەكتەۋ قويۋدا. ال ٴبىزدىڭ جاڭارتۋ باعدارلامامىزعا سايكەس، سوڭعى ناتيجە - «ەۋرو-4». مۇناي جانە گاز مينيسترلىگى زاۋىتتاردى جاڭارتۋدىڭ سوڭعى كەزەڭىندە «ەۋرو-5» ستاندارتىنا كوشۋ مۇمكىندىگىن قاراستىرۋى كەرەك. بۇل ٴبىزدىڭ رەسەيلىك جانە بەلارۋستىق زاۋىتتارمەن باسەكەلەس بولۋىمىز ٴۇشىن قاجەت»، دەدى.قانات ماحامبەت استانا http://www.aikyn.kz/index.php؟option=com_content&task=view&id=5990&itemid=2

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي