BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قاراعاندى تەمىرجول ۆوكزالىنىڭ اۋماعى كەڭەيتىلەدى

فوتو: «Қазақстан темір жолы» ҰК» АҚ

استانا، baq.kz. بۇل تۋرالى «قازاقستان تەمىر جولى» ۇك» اق ٴباسپاسوز قىزمەتىنەن حابارلادى.

2018 جىلدىڭ تامىزىنان جۇرگىزىلىپ كەلە جاتقان قاراعاندى تەمىرجول ۆوكزالىنىڭ قايتا جاڭارتىلۋى 2019 جىلدىڭ سوڭىنا تامان اياقتالادى.

«بۇگىندە ۋاقىتتا قوسىمشا تەرمينالدى سالۋ جونىندەگى جۇمىستار جۇرگىزىلۋدە. 2-5 جولداردا ەركىن ٴجۇرىپ-تۇرۋ ٴۇشىن ەسكالاتورلار مەن ليفتىلەر ورناتىلعان جىلىتىلاتىن جابىق كونكورستىق وتپەلەر سالىنادى. ۆوكزال قىزمەتىنە مۇمكىندىگى شەكتەۋلى تۇلعالاردىڭ كەدەرگىسىز قولدارى جەتۋى ٴۇشىن جاعدايلار جاسالادى. جولاۋشىلاردىڭ وزدەرىن پلاتفورمالاردا جايلى سەزىنۋى ٴۇشىن قالقالار تۇرعىزىلاتىن بولادى»، - دەلىنگەن «قازاقستان تەمىر جولى» ۇك» اق حابارلاماسىندا.

جوندەۋ-قۇرىلىس جۇمىستارى كەزەن كەزەڭىمەن جۇرگىزىلەدى. نىساندى پايدالانۋ كەزەڭىندەگى جۇمىس بارىسىندا بارلىق قاجەتتى ەرەجەلەر ساقتالادى.

جوبامەن ۆوكزالدىڭ ارا-جىگىن ايقىن اجىراتۋ جوسپارلانىپ وتىر. وپەراسيالىق ايماقتا كاسسا زالى، انىقتاما بيۋروسى جانە كۇتۋ زالى ورنالاسادى. ال سەرۆيستىكتە – ساقتاۋ كامەرالارى، انا مەن بالا بولمەسى، سەرۆيس-ورتالىق، شاعىن-ماركەت، تاماقتانۋ پۋنكتى، ساۋدا دۇڭگىرشەكتەرى جانە شاشتارازدار.

«قايتا جوندەۋ كورگەننەن كەيىن ۆوكزال اۋماعى 1576،9 شارشى مەترگە ۇلعايىپ، 3901،7 شاعىن مەتردى قۇرايتىن بولادى، بۇل ٴوز كەزەگىندە تاۋلىگىنە 4000-نان 7000 دەيىن جولاۋشىنى وتكىزۋگە، ورىندىقتاردى 417-دەن 670 دەيىن ارتتىرۋعا مۇمكىندىك بەرەدى»، - دەيدى ماماندار.

ايتا كەتەيىك، قايتا جاڭارتۋ ۆوكزالدىڭ پروبلەمالارىن شەشۋگە، جولاۋشىلاردىڭ قاۋىپسىزدىگىن ارتتىرۋعا، نىساندى تەرروريزمنەن قورعاۋعا باعىتتالعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي