BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قانات بوزىمبايەۆ: جاڭارتىلاتىن ەنەرگيا كوزدەرىنىڭ الەۋەتى جوعارى

استانا، baq.kz ٴتىلشىسى. ەنەرگەتيكا ٴمينيسترى قانات بوزىمبايەۆ استانادا ٴوتىپ جاتقان viii ازاماتتىق فورۋمى اياسىندا وتكەن سالالىق كەزدەسۋدە جاڭارتىلاتىن ەنەرگيا كوزدەرىن دامىتۋ ٴۇردىسى تۋرالى باياندادى.

«ەلىمىزدەگى جاڭارتىلاتىن ەنەرگيا كوزدەرى ٴارى قاراي جۇرگىزىلەدى. الەۋەتى ايتارلىقتاي جوعارى. جەل ەنەرگەتيكاسىنىڭ الۋەتى جىلىنا 920 ملرد كۆت/ساعات، سۋ ەنەرگياسى 62 ملرد كۆت/ساع، كۇن ەنەرگياسى جىلىنا 2500-3500 كۇن ساعاتىن قۇرايدى. سوندىقتان ەلىمىزدە جاڭارتىلاتىن ەنەرگيا كوزدەرى تۇرلەرىن دامىتۋ باستاۋ الدى. ماسەلەن ەلىمىزدە بۇگىندە جيىنتىق قۋاتى شامامەن 531 مگۆت بولاتىن 67 جەك (جاڭارتىلاتىن ەنەرگيا كوزدەرى) وبەكتىسى بار. ولاردىڭ ىشىندە جەل ەلەكتر ستانسيالارى 121 مگۆت، كۇن 209 مگۆت، گيدرو 200 مگۆت جانە ٴبىر بيوەنەرگيا ستانسياسى بار. اعىمداعى جىلدىڭ توعىز ايىندا وندىرىلگەن جەك ەلەكتر ەنەرگياسىنىڭ كولمىە 1 ملرد كۆت/ساع قۇرادى. جىلدىق جوسپارى – 1،3 ملرد كۆت/ساع»، - دەپ اتاپ ٴوتتى بوزىمبايەۆ.

ەنەرگەتيكا ٴمينيسترى قازاقستان جاسىل ەكونوميكاعا كوشۋ تۇجىرىمداماسى مەن ستراتەگيالىق قۇجاتتارىنا سايكەس ەلەكتر ەنەرگياسىن وندىرەتىنىن ايتتى.

«جالپى كولەمدەگى جەك ۇلەسىن 2020 جىلى 3%، 2025 جىلى 6%، 2030 جىلى 0% جەتكىزۋ بويىنشا مىندەتتەر قويىلدى. وسى ينديكاتورلارعا قول جەتكىزۋ ماقساتىندا اعىمداعى جىلى 9 اي ىشىندە جەك سەكتورىنا ينۆەستيسيالاردى تارتۋ بويىنشا جۇمىس اتقارىلدى. ناتيجەسىندە 100 ملرد تەڭگە سوماسىنا ٴبىرقاتار كەلىسىمدەر مەن مەموراندۋمدارعا قول قويىلدى. جەك سالۋعا نيەت بىلدىرگەن ينۆەستەرلور سانىنىڭ وسۋىمەن قوسا جەك سەكتورىنداعى تەحنولوگيالاردىڭ قارقىندى دامۋىن ەڭ ٴتيىمدى جوبالاردى ەڭ ۇزدىك تەحنولگيالىق شەشىمدەرى مەن كۇردەلى شىعىندارى تومەن جوبالاردى ٴادىل جانە باسەكەلى ىرىكتەۋدى قامتاماسىز ەتۋگە مۇمكىندىك بەرەتىن تەتىكتى ەنگىزۋدى تالاپ ەتتى»، - دەيدى مينيستر.

ەنەرگەتيكا ٴمينيسترى وسى تالاپتارعا جاۋاپ بەرەتىن الەمدىك ٴۇردىس جەك جوبالارىن ىرىكتەۋگە باعىتتالعان اۋكسيوندىق ساۋدا-ساتتىق تەتىكتەرى بولىپ وتىرعانىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي