قالا ەكونوميكاسىنىڭ بارلىق سالالارىندا ديناميكالىق ٴوسىم قارقىنى تۇراقتى – ا. ەسىموۆ

 استانا. 18 ناۋرىز. baq.kz - بيىلعى جىلدىڭ ەكى ايىنىڭ قورىتىندىسى بويىنشا الماتى قالاسى ەكونوميكاسىنىڭ بارلىق سالالارىندا ديناميكالىق ٴوسىم قارقىنى تۇراقتى ساقتالىپ كەلەدى. ال بۇل بيۋدجەت ٴتۇسىمىن ارتىعىمەن ورىنداۋدى قامتاماسىز ەتەدى. بۇل تۋرالى قالالىق ٴماسليحات سەسسياسىندا ٴمالىم بولدى.

 

ٴماسليحات سەسسياسىندا سويلەگەن سوزىندە قالا اكىمى احمەتجان ەسىموۆ قيىن ەكونوميكالىق جاعدايعا قاراماستان، الماتىنىڭ رەسپۋبليكالىق بيۋدجەتتىڭ بۇرىنعىسىنشا نەگىزگى دونورى بولىپ قالا بەرەتىنىن اتاپ ٴوتتى. سالىق جيناۋدا قالانىڭ ۇلەس سالماعى 30،3%-عا تەڭ.
قولدا بار رەزەرۆتەر ەسەبىنەن قالا ەكونوميكاسى مەن الەۋمەتتىك نىسانداردىڭ قۇرىلىسىن قولداۋعا قوسىمشا قارجى ٴبولىندى.
دەگەنمەن، ەل ەكونوميكاسىنا قولداۋ كورسەتۋ ماقساتىندا مەملەكەت باسشىسىنىڭ تاپسىرماسى بويىنشا «نۇرلى جول» مەملەكەتتىك باعدارلاماسى قابىلداندى.
اتالعان باعدارلاما اياسىندا قالاعا ماقساتتى ترانسفەرت رەتىندە الەۋمەتتى ينۆەستيسيالىق جوبالاردى جۇزەگە اسىرۋ ٴۇشىن جالپى سوماسى 28،6 ملرد. تەڭگە بولاتىن قارجى بولىنگەن.
بۇل قارجى كوزدەرى ٴبىلىم، دەنساۋلىق ساقتاۋ نىساندارىن سالۋعا جانە ولاردىڭ سەيسميكالىق قۋاتىن كۇشەيتۋگە، ينجەنەرلىك جەلىلەردى جۇرگىزۋگە، ەسكى ۇيلەردى بۇزۋ باعدارلاماسىن جۇزەگە اسىرۋعا، قازاندىقتاردى تابيعي گازعا كوشىرۋگە، ساياباق اۋماقتارىن، سۋ بۇرقاقتارى مەن وزەن ارنالارىن قايتا جاساۋعا، جولداردى ورتا جانە كەزەكتى جوندەۋدەن وتكىزۋگە، ناۋرىزباي اۋدانىن دامىتۋعا جۇمسالاتىن بولادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!