استانا: 
514 
0
استانا. 15 جەلتوقسان. baq.kz - قر پرەمەر-مينيسترى كارىم ٴماسىموۆ پەن قحر مەملەكەتتىك كەڭەسىنىڭ پرەمەرى لي كەسيان قازاقستان-قىتاي ىسكەرلىك كەڭەسىنىڭ ەكىنشى وتىرىسىنىڭ اشىلۋىندا ٴسوز العان كارىم ٴماسىموۆ قازاقستان مەن قىتاي بيزنەس توپتارى سەرىكتەستىگىنىڭ جوعارى الەۋەتىن اتاپ ٴوتتى.
- قىتاي بيزنەسىنىڭ قازاقستانعا دەگەن قىزىعۋشىلىعى زور. ٴوز كەزەگىندە بۇل قىزىعۋشىلىقتىڭ ٴوزارا ەكەندىگىن راستاي الامىن. قازاقستان مەن قىتاي اراسىنداعى ساۋدا-ەكونوميكالىق ٴوزارا ٴىس-قيمىلدىڭ كەڭەيىپ كەلە جاتقانىن اتاپ وتكىم كەلەدى. ەكونوميكانىڭ قازىرگى تۇراقسىز جاعدايىندا ەلدەرىمىز ماڭىزدى تاپسىرمالاردى شەشۋ ٴۇشىن ورتاق دوستىق الەۋەتىن مەملەكەتتەرىمىزدىڭ پايداسىنا اسىرۋى قاجەت، - دەدى پرەمەر-مينيستر.
سونداي-اق، ول قازاقستان ونەركاسىپتىك جانە قايتا وڭدەۋشى سالالارعا، قوسىمشا قۇنى جوعارى عىلىمدى قاجەت ەتەتىن جانە جوعارى تەحنولوگيالى وندىرىستەر قۇرۋعا شەتەلدىك ينۆەستيسيالاردى قۇپتايتىنىن تىلگە تيەك ەتتى.
- شەتەلدىك ينۆەستورلار ٴۇشىن قازاقستاندا بارلىق قاجەتتى جاعداي جاسالعان، - دەپ تولىقتىردى ٴوز ٴسوزىن كارىم قاجىمقان ۇلى.
ٴوز كەزەگىندە، مەملەكەتتىك كەڭەس پرەمەرى قازاقستان مەن قىتايدىڭ ىسكەرلىك ٴوزارا ٴىس-قيمىلىن ارتتىرۋعا كەڭ اۋقىمدى پەرسپەكتيۆالاردى اتاپ ٴوتتى.
ىسكەرلىك كەڭەس ەكى ەلدىڭ ۇلتتىق كومپانيالارى اراسىنداعى ىنتىماقتاستىق تۋرالى بىرلەسكەن قۇجاتتارعا قول قويۋمەن اياقتالدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5014
0