ك.ٴماسىموۆ: ەركىن ساۋدا ايماعىن قۇرۋ تۋرالى كەلىسىم تمد ەلدەرى اراسىندا ساۋدانىڭ دامۋىن ىنتالاندىرۋعا كومەكتەسەدى

سانكت-پەتەربور. 19 قازان. قازاقپارات /قانات قۇلشىمانوۆ/ - ەركىن ساۋدا ايماعىن قۇرۋ تۋرالى كەلىسىم تمد ەلدەرى اراسىنداعى ساۋدانىڭ دامۋىن ىنتالاندىرۋعا كومەكتەسەدى. بۇل تۋرالى تمد ۇكىمەت باسشىلارى كەڭەسىنىڭ وتىرىسىنان كەيىن وتكەن ٴباسپاسوز ٴماسليحاتى بارىسىندا قر پرەمەر-مينيسترى كارىم ٴماسىموۆ ٴمالىم ەتتى.

«بۇگىن مەملەكەت باسشىلارى بەرگەن تاپسىرماعا سايكەس، ماقساتتى جانە ەركىن شەشىم قابىلداندى، ٴبىز وسى ماڭىزدى قۇجاتتىڭ قول قويىلۋىنا جول تاپتىق»، - دەدى ك.ٴماسىموۆ.

ەركىن ساۋدا ايماعىن قۇرۋ تۋرالى كەلىسىم تمد ەلدەرى اراسىنداعى ساۋدانىڭ دامۋىن ىنتالاندىرۋعا، سونداي-اق تمد-عا مۇشە بارلىق ەلدەرگە ينۆەستيسيا تارتۋعا كومەكتەسەدى، -دەدى ك.ٴماسىموۆ.

قر ۇكىمەت باسشىسىنىڭ ويىنشا، وسى قۇجاتتىڭ قول قويىلۋى تمد دامۋىنىڭ جاڭا باعىتتارىنا جول اشادى.

ەستەرىڭىزگە سالا كەتەيىك، بۇگىن تمد ۇكىمەت باسشىلارى كەڭەسى وتىرىسىنىڭ قورىتىندىسى بويىنشا ٴبىرقاتار قۇجاتتارعا، سونىڭ ىشىندە ەركىن ساۋدا ايماعىن قۇرۋ تۋرالى كەلىسىمگە قول قويىلدى.

http://www.inform.kz/kaz/article/2412776

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!