استانا. 25 قاراشا. baq.kz - ەرتەڭ الماتى قالاسىندا iv يننوۆاسيالىق كونۆەنت eco ميني - ەكسپو almaty 2014 وكىزىلەدى. ونىڭ ماقساتى قالاداعى يننوۆاسيالاردى دامىتۋ، «جاسىل» تەحنولوگيالاردى جانە ەكونوميكانى بىرىكتىرۋ، عىلىم مەن ٴوندىرىس اراسىنداعى ٴوزارا بايلانىستى كۇشەيتۋ بولىپ تابىلادى، - دەپ حابارلايدى قالا اكىمدىگى.
«ٴىس-شاراعا 200-دەن استام دەلەگات قاتىسادى: كاسىپكەرلەر، عالىمدار، ازىرلەمەشىلەر، ساياسات جانە قوعام قايراتكەرلەرى. پلەنارلىق وتىرىستا ساراپشىلار ەكولوگيا، «جاسىل» ەكونوميكا جانە يننوۆاسيالىق جوبالاردى دامىتۋ ماسەلەلەرىن تالقىلايتىن بولادى»، - دەلىنگەن حابارلامادا.
iv يننوۆاسيالىق كونۆەنت eco ميني-ەكسپوalmaty 2014 شەڭبەرىندە يننوۆاسيالار كونكۋرسىنىڭ قورىتىندىسى بەلگىلى بولادى. وزدەرىنىڭ كونكۋرستىق وتىنىمدەرىن جىبەرگەن 15 ستارتاپەرلەر قاتارىنان جەڭىمپازدار تاڭداپ الىنادى. ەڭ ۇزدىك ازىرلەمە اۆتورلارى اقشالاي جانە باعالى سىيلىقتار الاتىن بولادى.
بۇكىل ٴىس-شارا بويىنا اشىق رەجيمدە يننوۆاسيالىق جوبالار كورمەسى جۇمىس ىستەيدى. قاتىسۋشىلار 30 ستەندتە «جاسىل» ەكونوميكا وبلىسىنداعى ازىرلەمەلەرىن ۇسىنادى. بارلىق ىنتا بىلدىرۋشىلەر جوبا ازىرلەۋشىلەرىنە وزدەرىن قىزىقتىرعان سۇراقتارىن قويۋلارىنا بولادى.
يننوۆاسيالىق كونۆەنتتەر ٴداستۇرلى تۇردە الماتى قالاسى اكىمدىگىنىڭ قولداۋىمەن وتكىزىلەدى. ٴىس-شارا العاشقى رەت 2010 جىلى ۇيىمداستىرىلعان بولاتىن.
iv يننوۆاسيالىق كونۆەنت eco ميني-ەكسپوalmaty 2014 ٴال-فارابي اتىنداعى قازاق ۇلتتىق ۋنيۆەرسيتەتىنىڭ كىتاپحاناسىندا وتكىزىلەدى. مەكەنجايى: ٴال-فارابي داڭعىلى، 71، 4-قابات. كىرۋ - تەگىن.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!