يتاليا كومپانيالارى بىرلەسكەن ينۆەستيسيالىق جوبالاردى جۇزەگە اسىرۋعا قىزىعۋشىلىق تانىتۋدا - قازاقستان ەكونوميكاسى|25 قاڭتار 2016، 16:00
كۋرسى ۆاليۋت وبنوۆليايۋتسيا
استانا:

يتاليا كومپانيالارى بىرلەسكەن ينۆەستيسيالىق جوبالاردى جۇزەگە اسىرۋعا قىزىعۋشىلىق تانىتۋدا

استانا. 25 قاڭتار. baq.kz - قر يدم مەن قر اشم وكىلدەرى يتاليانىڭ ٴبىرقاتار ٴىرى تاماق كومپانيالارىنىڭ باسشىلارىمەن كەزدەسۋ وتكىزدى. يتاليا كاسىپكەرلەرى قازاقستاندا كوكونىس پەن جەمىس-جيدەك ٴوسىرىپ جانە ونى وڭدەۋ، ٴسۇت ونىمدەرى ٴوندىرىسى، ورگانيكالىق تىڭايتقىشتار بويىنشا بىرلەسكەن كاسىپورىندار اشۋعا قىزىعۋشىلىق تانىتىپ وتىر، دەپ حابارلايدى قر يدم ٴباسپاسوز قىزمەتى. 

يتالياندىقتار تاماق ونەركاسىبى سالاسىندا يننوۆاسيالىق جوبالار قۇرۋعا، سونىمەن بىرگە ستارتاپتار قۇرۋعا، قىزىقتى جوبالارعا قارجى ىزدەستىرۋگە جانە بيزنەس-جوسپارلار ازىرلەۋگە، جوبالاردى ىرىكتەۋگە كومەكتەسۋگە دايىن.

قر يدم «kaznex invest» اق ٴتوراعاسىنىڭ ورىنباسارى اسەل ەرعازيەۆانىڭ ايتۋىنشا، يتاليالىق كومپانيا وكىلدەرى جاقىن كۇندەرى ەلىمىزگە تانىسۋ ٴۇشىن كەلەدى. قازاقستاندىق كاسىپكەرلەرمەن كەزدەسىپ، ٴبىرقاتار جوبالارىن ۇسىنباق.

مىسالعا، يتاليانىڭ ٴسۇت جانە ٴسۇت ونىمدەرىن شىعاراتىن جانە الەمنىڭ ٴتۇرلى ەلدەرىندە 15 زاۋىتى بار ەڭ ٴىرى «granorolo» كومپانياسى قازاقستاندا ٴسۇت ونىمدەرىن شىعاراتىن (ٴسۇت; قاتتى جانە جۇمساق ىرىمشىك، موسارەللا مەن ريكوتتا، يوگۋرت جانە باسقا دا ٴسۇت ونىمدەرى) بىرلەسكەن كاسىپورىن قۇرىپ، جۇمىس ىستەۋگە دايىن. كومپانيا قازاقستاندا شىعارىلعان ونىمدەرىن رەسەيگە، قىتايعا جانە يرانعا ەكسپورتتاۋدى كوزدەپ وتىر.

«ottaviani» كومپانياسى كوكونىستەردى ٴوسىرىپ، وڭدەۋگە ماماندانعان. يتاليادا جەردىڭ تاپشىلىعىنان كاسىپورىننىڭ ٴوندىرىستى وركەندەتۋگە مۇمكىندىگى بولماي تۇر. مىنە سوندىقتان دا قازاقستان كومپانيا ٴۇشىن ٴونىم ٴوندىرىپ، ەكسپورتقا شىعارۋعا ۇلكەن مۇمكىندىك. «ottaviani» كوكونىس وڭدەپ، ونى قاتىراتىن زاۋىت سالۋعا دايىن. ٴار ماۋسىمدا 300-دەن 2000 جۋىق ادامدى جۇمىسپەن قامتيدى.

قر يدم مەن قر اشم كاسىپورىن وكىلدەرىنىڭ قازاقستانعا كەلىپ-كەتۋىن ۇيىمداستىرادى. يتاليا تاراپى كەزدەسۋدە قازاقستاننىڭ تاماق ونەركاسىبىن وركەندەتۋگە ۇلكەن مۇمكىندىگى بار ەكەنىن اتاپ ٴوتتى. مامانداردىڭ ايتۋىنشا، الەمدە قازاقستاندى قوسقاندا بەس ەلدىڭ عانا وسى سالادا ٴونىم ٴوندىرىپ، ەكسپورتقا شىعارۋعا، ٴسويتىپ، جاھانداعى ازىق-تۇلىككە دەگەن سۇرانىستى قامتاماسىز ەتۋگە مۇمكىندىگى بار. 

فوتو: psychology-tips.ru


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي