يتاليا ەلىمىزدە اۋىل شارۋاشىلىعى سالاسىنداعى ىنتىماقتاستىقتى نىعايتۋدا - قازاقستان ەكونوميكاسى|28 قاڭتار 2016، 19:41
كۋرسى ۆاليۋت وبنوۆليايۋتسيا
استانا:

يتاليا ەلىمىزدە اۋىل شارۋاشىلىعى سالاسىنداعى ىنتىماقتاستىقتى نىعايتۋدا

استانا. 28 قاڭتار. baq.kz – يتاليا رەسپۋبليكاسىنىڭ اۋىل شارۋاشىلىعى، ازىق-تۇلىك جانە ورمان ساياساتى ٴمينيسترى ماۋريسيو مارتيننىڭ قازاقستان رەسپۋبليكاسىنىڭ اۋىل شارۋاشىلىعى ٴمينيسترى اسىلجان مامىتبەكوۆپەن كەزدەسۋى ٴوتتى، - دەپ حابارلايدى اۋىل شارۋاشىلىعى مينيسترلىگىنىڭ ٴباسپاسوز قىزمەتى.

شارا بارىسىندا يتاليا مەن قازاقستان اراسىندا اۋىل شارۋاشىلىعى سالاسىنداعى ىنتىماقتاستىقتى كۇشەيتۋ تۋرالى مالىمدەمەگە قول قويىلدى.
كەزدەسۋدى يتالياندىق جانە قازاقستاندىق بيزنەس وكىلدەرى جالعاستىردى. شەتەلدىك دەلەگاسيانى «inalca» ۆيسە-پرەزيدەنتى لۋيدجي سكورداماليا، «agrotecnica» كومپانيانىڭ ديرەكتورى ميكەلە د’ارازمو، «rovani» كومپانياسىنىڭ جەتەكشىسى ودە روۆاني، «eb service» كومپانياسىنىڭ ديرەكتورى ماركو بەرەتتا جانە ت.ب. وكىلدەر قۇراعان بولسا، قازاقستاندىق وكىلدەرىن «ەۆرازيا اگروحولدينگ»، «شاڭىراك»، «اقتوبە جىلىجاي» كومپانيالارىنىڭ باسشىلارى، «قازاقستاننىڭ ەت بىرلەستىگى»، «قۇس وسىرۋشىلەر بىرلەستىگى»، «ەت-سۇت بىرلەستىكتەرىنىڭ» جەتەكشىلەرى قۇرادى.
ايتا كەتەيىك، يتالياندىق «rota guido» كومپانياسى ٴسۇت-تاۋارلى فەرمالارىن جوبالاۋ جانە ٴسۇت ٴوندىرۋشى فەرمەرلەرگە كونسالتينگتى سۇيەمەلدەۋ قىزمەتتەرىن كورسەتەدى سونىمەن قاتار،«inalca eurasia» جانە «اقتەپ» كومپانيالارىنىڭ اراسىندا ينۆەستيسيالىق كەلىسىمگە قول قويىلعان. كەلىسىم بويىنشا رەسپۋبليكانىڭ 3 وبلىسىندا ٴبىر مەزگىلدە بورداقىلايتىن 44 مىڭ باس قۋاتتىلىعىمەن بورداقىلاۋ الاڭدارىنىڭ قۇرىلىسى ٴۇشىن ۆەرتيكالدى-ينگەگراسيالانعان كومپانيالاردىڭ قۇرىلىسى باستالماق. بۇعان قوسا، اقتوبە وبلىسىندا ەت كومبيناتىنىنىڭ قۋاتتىلىعىن 20 مىڭ توننا ەت جانە ەت ونىمدەرىن ۇلعايتۋمەن مودەرنيزاسيالاۋ جوسپارلانۋدا. وعان قوسا «inalca eurasia» ەلىمىزدىڭ ەت سالاسىنا 100 ملن. ەۆرودان اسا قاراجاتتى ينۆەستيسيالاۋ جونىندە شەشىم قابىلدادى. «inalca eurasia» كومپانياسى قازاقستاندىق ەت برەندىن جاساپ، ەۋروپا ەلدەرىمەن رەسەي فەدەراسياسىنا ەت ەكسپورتىن قامتاماسىز ەتۋگە نيەتتەنۋدە.
«inalca eurasia» الماتى وبلىسىندا سويىس ينفراقۇرىلىمى بار جەمدەۋ الاڭىن سالۋىن كوزدەپ وتىر. ول جوبا قازىرگى تاڭدا قاراستىرىلۋدا.
«ەۆرازيا اگروحولدينگ» جانە rovani اتتى كومپانيالارىنىڭ اراسىندا قوي ەتىن قايتا وڭدەۋ اياسىندا ىنتىماقتاستىق جۇزەگە اسىرىلىپ وتىر.

فوتو: kostanaytany.kz
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي