استانا. 9 ٴساۋىر. baq.kz - يسلام بانكى قازاقستانعا ونداعان ميلليارد دوللار قاراجات قۇيۋى مۇمكىن. وتاندىق ساراپشىلار ونى قارجى ينستيتۋتىنىڭ ەۋروپادان كەتۋىمەن بايلانىستىرادى. ويتكەنى باتىس ەلى قارجى قىسپاعىنان قۇتىلىپ، وزدەرىنىڭ بانكتەرىن قاجەتتى قاراجاتپەن قامتاماسىز ەتۋدە. ايتا كەتەيىك، ەگەر يسلام بانكى ٴبىزدىڭ ەلدەگى ەكىنشى دەڭگەيلى قارجى قۇرىلىمدارعا ينۆەستيسيا بولسە، تۇيىتكىلدى نەسيەلەر سانى ايتارلىقتاي ازايار ەدى. ونىڭ ۇستىنە قارجى ينستيتۋتىننىڭ پايىزدىق ۇستەمەسى تىم تومەن.
«مەنىڭشە، ەلىمىزدە يسلام بانكى ارقىلى نەسيەلەرىن قايتا قارجىلاندىراتىن كاسىپورىن سانى جەتكىلىكتى. ويتكەنى قارجى الىپ، قارىزدارىن وتەپ جۇرگەن بيزنەس وكىلدەرى باتىستىڭ قازىرگى قاتاڭ تالاپتارىنا بەيىمدەلە قويعان جوق. سوندىقتان قازاقستانداعى وڭدەۋشى، ٴوندىرۋشى كاسىپورىنداردى، سونداي-اق الەۋمەتتىك جانە ينفراقۇرىلىمدىق جوبالاردى يسلام قارجىلاندىرۋ بانكى ارقىلى دامىتۋعا مۇمكىندىك مول»،- دەدى ەكونوميست ٴۋاليحان تولەشوۆ.
ايتا كەتەيىك، پارلامەنت ٴماجىلىسىنىڭ دەپۋتاتتارى سەناتتىڭ يسلامدىق قارجىلاندىرۋ جانە ساقتاندىرۋ ماسەلەلەرى جونىندەگى زاڭ جوباسىنا ەنگىزگەن وزگەرىستەرى مەن تولىقتىرۋلارىن ماقۇلدادى. بۇل زاڭ يسلام ساقتاندىرۋ جۇيەسىن جاساۋ ارقىلى تولىققاندى يسلام قارجى جۇيەسىن قۇرۋعا، يسلام بانكتەرىنىڭ قىزمەت ەتۋىنە قولايلى جاعداي تۋعىزۋعا باعىتتالعان. يسلام بانكينگى پايىزدىق ٴوسىمدى دۇرىس ەمەس دەپ سانايدى جانە ماتەريالدىق اكتيۆتەردى بەرۋ مەن ٴتۇرلى قارجىلاندىرۋ قىزمەتتەرىن كورسەتۋدى شاريعات تالاپتارى بويىنشا جۇزەگە اسىرۋدى قاراستىرادى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
استانا: 
497 
0
5007
0 
