يپوتەكالىق قارىز الۋشىلاردىڭ ماسەلەلەرىن شەشۋ ٴۇشىن ۇلتتىق بانك 130 ملرد. تەڭگە قارجى ٴبولدى

استانا. 16 ٴساۋىر. baq.kz - قر ۇكىمەتىنىڭ مەملەكەت باسشىسى نۇرسۇلتان نازاربايەۆتىڭ قاتىسۋىمەن 11 اقپاندا وتكەن كەڭەيتىلگەن وتىرىسىندا پرەزيدەنت قر ۇلتتىق بانكىنە ۇكىمەتپەن بىرلەسىپ يپوتەكالىق قارىز الۋشىلاردىڭ پروبلەمالارىن شەشۋ جونىندەگى شارالار كەشەنىن ازىرلەۋدى تاپسىرعان ەدى. 

قر ۇكىمەتى جانە ۇلتتىق بانك مەملەكەت باسشىسىنىڭ تاپسىرماسىن ىسكە اسىرۋ ٴۇشىن يپوتەكالىق قارىز الۋشىلاردىڭ پروبلەمالارىن شەشۋ ماقساتىندا ۇلتتىق بانكتىڭ قاراجاتىنان 130 ملرد. تەڭگە ٴبولۋ تۋرالى شەشىم قابىلدادى.

ۇلتتىق بانك «پروبلەمالىق كرەديتتەر قورى» اق-تى 130 ملرد. تەڭگە سوماسىنا ۇستەمە كاپيتالداندىرادى، ول، ٴوز كەزەگىندە، ەكىنشى دەڭگەيدەگى بانكتەردە جىلدىق 2،99%-دىق سىياقى مولشەرلەمەسىمەن 20 جىل مەرزىمگە دەپوزيتتەردى ورنالاستىرادى. بۇل قاراجاتتى بانكتەر جەكە تۇلعالاردىڭ يپوتەكالىق تۇرعىن ٴۇي/يپوتەكالىق قارىزدارىن قايتا قارجىلاندىرۋعا جىبەرەدى، دەپ حابارلاندى ۇلتتىق بانكتىڭ رەسمي سايتىندا.

«باعدارلامانىڭ ماقساتتارى:

- قارىز الۋشىلاردىڭ بارىنشا كوپ بولىگى ٴۇشىن يپوتەكالىق قارىزداردى وتەۋ تالاپتارىن جەڭىلدەتۋ;

- پروبلەمالىق كرەديتتەر دەڭگەيىن تومەندەتۋ;

- ەكونوميكانىڭ دوللارلانۋ دەڭگەيىن تومەندەتۋ»، دەلىنگەن حابارلامادا.

باعدارلامانىڭ نەگىزگى ولشەمدەرىنە سايكەس قارىز الۋشىنىڭ جانە ونىڭ جۇبايىنىڭ (زايىبىنىڭ) جالعىز باسپاناسى كەپىلگە سالىنعان، 2004-2009 جىلدار ارالىعىنداعى كەزەڭدە بەرىلگەن يپوتەكالىق تۇرعىن ٴۇي، يپوتەكالىق قارىزدار قايتا قارجىلاندىرىلادى.

ول ٴۇشىن قويىلاتىن باستى تالاپتار مىنالار: جىلدىق 3%-دان اسپايتىن سىياقى مولشەرلەمەسى بويىنشا ۆاليۋتالىق قارىزداردى تەڭگەگە كونۆەرتاسيالاۋ، قارىز مەرزىمىن 20 جىلعا دەيىن ۇلعايتۋ.

وسى باعدارلاما ەڭ الدىمەن حالىقتىڭ الەۋمەتتىك ٴالسىز توپتارىنا جاتاتىن يپوتەكالىق قارىز الۋشىلارعا; شەتەل ۆاليۋتاسىمەن يپوتەكالىق تۇرعىن ٴۇي، يپوتەكالىق قارىز العاندارعا; ۇلتتىق ۆاليۋتامەن يپوتەكالىق تۇرعىن ٴۇي، يپوتەكالىق قارىز العان جانە مەرزىمى وتكەن بەرەشەگى بار قارىز الۋشىلارعا قولداۋ كورسەتۋگە باعىتتالادى.

سونداي-اق زاڭدى كۇشىنە ەنگەن سوت اكتىلەرى بار يپوتەكالىق تۇرعىن ٴۇي، يپوتەكالىق قارىزدار باعدارلاما شەڭبەرىندە قايتا قارجىلاندىرۋعا جاتادى.

قارىز الۋشىنىڭ بورىشتىق جۇكتەمەسىن جەڭىلدەتۋ ماقساتىندا نەگىزگى بورىشتىڭ قالدىعى قايتا قارجىلاندىرىلادى، بۇل رەتتە قارىز الۋشىنىڭ قايتا قارجىلاندىرىلعان قارىزى بويىنشا سىياقى، كوميسسيالار، تۇراقسىزدىق ايىبى بويىنشا بەرەشەگىن بانكتەر كەشىرەدى.

بانكتەردىڭ قارىزدى قايتا قارجىلاندىرۋ كەزىندە قانداي دا بولماسىن كوميسسيالاردى، الىمداردى نەمەسە وزگە تولەمدەردى الۋعا قۇقىعى جوق.

باعدارلاما شەڭبەرىندە بولجاممەن العاندا 20000-نان استام قارىز، ونىڭ ىشىندە حالىقتىڭ الەۋمەتتىك ٴالسىز توپتارى ساناتىنا جاتاتىن 5000-نان استام بورىشكەردىڭ قارىزى قايتا قارجىلاندىرىلاتىن بولادى.

باعدارلاما 2015 جىلعى 10 ساۋىردە ۇلتتىق بانكتىڭ ديرەكتورلار كەڭەسىندە ماقۇلداندى. 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!