استانا: 
663 
0
استانا. 4 ٴساۋىر. baq.kz - «نۇرلى جول» ينفراقۇرىلىمدى دامىتۋدىڭ 2015-2019 جىلدارعا ارنالعان مەملەكەتتىك باعدارلاماسى شەڭبەرىندە ٴتۇرعىن-ۇي كوممۋنالدىق شارۋاشىلىقتىڭ ينجەنەرلىك ينفراقۇرىلىمىن جاڭعىرتۋعا 450 ملرد تەڭگە ٴبولىندى. بۇل تۋرالى بۇگىن قر ۇلتتىق ەكونوميكا ۆيسە-مينيسترى قايىربەك وسكەنبايەۆ قر پرەزيدەنتى جانىنداعى ورتالىق كوممۋنيكاسيالار قىزمەتىندە وتكەن بريفينگ بارىسىندا ايتتى.
«اتالعان مەملەكەتتىك باعدارلاما شەڭبەرىندە جىلۋ، سۋمەن جابدىقتاۋ جانە سۋ بۇرۋ جۇيەسىن جاڭعىرتۋعا جالپى 450 ملرد تەڭگە ٴبولىندى. وسىلاي 2015 جىلى – 60 ملرد تەڭگە، كەلەسى جىلى 90 ملرد تەڭگە، 2017-2019 جىلدارى 100 ملرد تەڭگەدەن جىل سايىن ٴبولىنىپ وتىراتىن بولادى» دەدى ۆيسە-مينيستر.
«نۇرلى جول» مەملەكەتتىك باعدارلامادا ٴتۇرعىن-ۇي كوممۋنالدىق شارۋاشىلىقتى جاڭعىرتۋ بويىنشا كەشەندى ٴىس-شارالار انىقتالعانى تۋرالى دا ٴسوز قوزعاپ ٴوتتى. جىلۋ، سۋمەن جابدىقتاۋ جانە سۋ بۇرۋ جەلىلەرىنىڭ توزۋىن تومەندەتۋ بويىنشا پروبلەمالاردى شەشۋ، سونداي-اق جىلۋ شىعاراتىن قۋاتتاردى جوندەۋ جانە اۋىستىرۋ ٴۇشىن ٴتۇرعىن-ۇي كوممۋنالدىق سەكتوردى جاڭعىرتۋ بويىنشا وبەكتىلەردى ورتالىقتاندىرىلعان تەحنولوگيالىق تەكسەرۋ جۇرگنىزىلەتىن بولادى.
ۆيسە-مينيستردىڭ ايتۋىنشا، قازىرگى كۇندە ينۆەستيسيالاردىڭ نەگىزدەمەسى ازىرلەنىپ، وڭىرلەردە ىرىكتەۋ كريتەرييلەرى مەن جوبالاردى ىسكە اسىرۋ باسىمدىقتارى ايقىندالعان.
ايا ٴومىرتاي
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5010
0