استانا: 
426 
0
استانا. 6 ٴساۋىر. baq.kz – بۇگىن ورتالىق كوممۋنيكاسيالار قىزمەتىنىڭ الاڭىندا ٴباسپاسوز ٴماسليحاتىن وتكىزگەن ۇلتتىق ەكونوميكا ۆيسە-مينيسترى مارات قۇسايىنوۆ «نۇرلى جول» مەملەكەتتىك باعدارلاماسى اياسىندا ەلىمىزدەگى جوبالاردى جۇزەگە اسىرۋعا حالىقارالىق قارجى ينتستيتۋتتارى ەسەبىنەن ينديكاتيۆتى بىرلەسىپ قارجىلاندىرۋ كولەمى 9 ملرد اقش دوللارى شاماسىندا بولاتىندىعىن مالىمدەدى، - دەپ حابارلايدى baq.kz ٴتىلشىسى.
- بۇگىنگى تاڭدا حالىقارالىق قارجى ينتستيتۋتتارى ەسەبىنەن ينديكاتيۆتى بىرلەسىپ قارجىلاندىرۋ كولەمى 9 ملرد اقش دوللارى شاماسىندا بولادى دەپ بەلگىلەنگەن. ال ۇلتتىق كومپانيالار مەن دامۋ ينستيتۋتتارىنىڭ مەنشىكتى قاراجاتى ەسەبىنەن باعدارلامانى قارجىلاندىرۋ 240،9 ملرد تەڭگەگە تەڭ تۇسپەك. وسىنداي قارجىلىق قولداۋ ناتيجەسىندە 2019 جىلى 2014 جىلعا قاتىستى ٴجىو-نىڭ 15،7 پايىزعا ٴوسۋى قامتاماسىز ەتىلىپ، 2015-19 جىلدار ارالىعىندا 395،5 مىڭ ادامعا ارنالعان جۇمىس ورىندارىن قۇرۋ كوزدەلگەن، - دەدى ۆيسە-مينيستر مارات ابسامەت ۇلى.
ونىڭ تۇسىندىرۋىنشە، بۇل ارالىقتا اشىلاتىن جۇمىس ورىندارىنىڭ ىشىندە 86،9 مىڭ ادام تۇراقتى جۇمىس ورنىمەن قامتىلسا، ۋاقىتشا جۇمىس ورنىنا 308،6 مىڭ ادام تارتىلاتىن كورىنەدى.
سونداي-اق، مۇنداي كورسەتكىشتەر 2019 جىلعا قاراي بازالىق ينفراقۇرىلىم ساپاسى بويىنشا دۇنيەجۇزىلىك ەكونوميكالىق فورۋم رەيتينگىن 57-ورىنعا دەيىن جوعارىلاۋىنا مۇمكىندىك تۋعىزادى دەپ بولجانۋدا ەكەن.
نۇرلىبەك دوسىباي
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5007
0