استانا: 
661 
0
استانا. 20 جەلتوقسان. baq.kz – بۇگىن ورتالىق كوممۋنيكاسيالار قىزمەتىنىڭ الاڭىندا ۇكىمەت وتىرىسىنىڭ قورىتىندىسىنا ارنالىپ ۇيىمداستىرىلعان ٴباسپاسوز ٴماسليحاتىندا قر ۇلتتىق ەكونوميكا ۆيسە-مينيسترى ٴمادينا ٴابىلقاسىموۆا وسىلاي مالىمدەدى، - دەپ حابارلايدى baq.kz ٴتىلشىسى.
- الەمدىك نارىقتا مۇناي مەن مەتالداردىڭ الەمدىك باعاسىنىڭ قۇلدىراۋىنا بايلانىستى (اتاپ ايتقاندا مۇناي، كومىر، فەرروقورىتپالار، مىس پەن اليۋمينيي ەكسپورتىنىڭ ناقتى كولەمدەرىنىڭ قىسقارۋىنا وراي) اعىمداعى جىلدىڭ 10 ايىندا ەلىمىزدەن سىرتقا شىعارىلاتىن تاۋارلاردىڭ ەكسپورتى 4،9%-عا قىسقاردى. ال مۇناي ونىمدەرى مەن جەڭىل اۆتوموبيلدەر جانە ولاردىڭ قوسالقى بولشەكتەرى، جيھاز، كونديتەرلىك بۇيىمدار سىندى تاۋارلاردىڭ يمپورتتالۋى دا 14،5%-عا دەيىن قىسقاردى، - دەدى ٴمادينا ەراسىلقىزى.
ۆيسە-مينيستردىڭ ايتۋىنشا، سونداي-اق قازاقستاننىڭ سىرتقى ساۋدا اينالىمى دا بيىلعى جىلدىڭ ون ٴبىر ايىنداعى قورىتىندىسى بويىنشا 8،3%-عا قىسقارعان كورىنەدى.
- بيىل نەگىزگى كاپيتالعا سالىنعان ينۆەستيسيالاردىڭ وسكەنى بايقالعانىمەن، تاۋ-كەن جانە وڭدەۋ ونەركاسىبىندە ينۆەستيسيالىق بەلسەندىلىكتىڭ تومەن بولۋىنا بايلانىستى ونىڭ قارقىنى وتكەن جىلدىڭ سايكەس كەزەڭىندەگى كورسەتكىشپەن سالىستىرعاندا 4،1%-عا دەيىن باياۋلاعان، - دەدى ول.
نۇرلىبەك دوسىباي،
سۋرەتتى تۇسىرگەن – ازات ەسەمبەكوۆ
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5007
0