استانا: 
671 
0
استانا. 30 ناۋرىز. baq.kz - گرۋزياداعى «حالىق بانك گرۋزيا» اق ينۆەستيسياسى مەن ديناميكالىق ٴوسۋى جىل سايىن ارتىپ كەلەدى. وعان دالەل گرۋزياداعى «حالىق بانك» فيليالدارى جىل سايىن اشىلۋدا دەپ مالىمدەدى «حالىق بانك گرۋزيا» اق ٴتوراعاسى نيكولوز گەگۋچادزە.
بۇل تۋرالى بۇگىن استانادا ٴوتىپ جاتقان «استانا باتۋمي بيزەنس فورۋمى» بارىسىندا حابارلادى. ونىڭ ايتۋىنشا، « اتالمىش فورۋمنىڭ ٴارقانداي ينۆەستيسيالىق مۇمكىندىكتەردى ۇسىنۋدا ماڭىزى زور».
-قازاقستان مەن گرۋزيانىڭ بىرلەسكەن كوپتەگەن كاسىپورىندارى جۇمىس ىستەيدە. گرۋزيادا «حالىق بانك» اق فيليالدارى جىل سايىن اشىلۋدا. گرۋزياداعى ەكىنشى دەڭگەيلى بانكتەر اراسىندا ٴبىز 13 ورىننان 10 ورىنعا كوتەرىلدىك. جالپى ەلىمىزدە 20-عا تارتا بانك جۇمىس ىستەيدى. بىزدە جۇمىس نەگىزىنەن شاعىن جانە ورتا بيزنەسكە باعىتتالعان. قازاق كومپانيالارىمەن ىنتىماقتاستىقتا جۇمىس ىستەۋگە ىنتالىمىز جانە قازاق ينۆەستيسياسى وتە قولايلى،-دەدى نيكولوز گەگۋچادزە.
«حالىق بانك گرۋزيا» اق – «قازاقستان حالىق بانكى» اق ەنشىلەس ۇيىمى گرۋزياداعى بانك نارىعىندا 2008 جىلدان بەرى جۇمىس ىستەپ كەلە جاتىر. «حالىق بانك گرۋزيا» اق-نىڭ 100%-دىق ۇلەسى 91 جىل بويى جۇمىس ىستەپ كەلە جاتقان جانە قازاقستان رەسپۋبليكاسىنىڭ قارجى نارىعىنداعى اسا ٴىرى قارجى ينستيتۋتتارىنىڭ ٴبىرى بولىپ تابىلاتىن «قازاقستان حالىق بانكى» اق-نا تيەسىلى.
سونداي-اق ٴىس-شاراعا قر مەن ادجاريا ار ۇكىمەت مۇشەلەرى، ديپلوماتيالىق ۋاكىلدىك وكىلدەرى قاتىستى.
ايا ٴومىرتاي
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5013
0