استانا: 
542 
0
استانا. 9 قاڭتار. baq.kz – بۇگىن پرەزيدەنت جانىنداعى ورتالىق كوممۋنيكاسيالار قىزمەتىنىڭ الاڭىندا ٴباسپاسوز ٴماسليحاتىن وتكىزگەن ٴبىلىم جانە عىلىم ۆيسە-مينيسترى تاحير بالىقبايەۆ مينيسترلىكتىڭ بۇگىنگى تاڭداعى قىزمەتىمەن باق وكىلدەرىن تانىستىرا كەلە، عىلىمعا ٴبولىنىپ جاتقان قاراجات كولەمىنىڭ سوڭعى جىلدارى 2،5 ەسەگە ارتقاندىعىن مالىمدەدى.
- عىلىمدى باسقارۋ جاڭا جۇيەمەن تولىق قالىپتاستى دەسەك تە بولادى. بۇگىنگە دەيىن بىزدە جوعارى عىلىمي تەحنيكالىق ۇلتتىق كوميسسيا قۇرىلدى. وسى كوميسسيا جۇمىستارىنىڭ نەگىزىندە عىلىمنىڭ جاڭا باعىتتارى مەن باسىمدىقتارى انىقتالۋدا. عىلىممەن بىرگە ۇلتتىق عىلىمي كەڭەستەر قۇرىلىپ، ولاردىڭ قاتارىن ەكى سالا بويىنشا جاڭارتتىق. اتاپ ايتقاندا، مۇشەلىككە بيزنەس پەن يندۋستريادان ەلۋ پايىزعا دەيىن وكىلدەر تارتتىق. ونىڭ باستى سەبەبى، بۇگىنگى ٴىلىم ٴبىلىم مەن عىلىمنىڭ جوعارىدا اتالعان سالالارعا جىلدام بەيىمدەلۋىن ەڭسەرۋدە وسىنداي قادام جاساۋىمىزدىڭ پايداسى زور دەپ شەشتىك، - دەدى ۆيسە-مينيستر.
سونىمەن قاتار، ول سوڭعى جىلدارى عىلىمعا ەل بيۋدجەتىنەن ٴبولىنىپ جاتقان قاراجاتتىڭ 2،5 ەسەگە ٴوسىپ، سالا وكىلدەرىنىڭ «جاسارىپ» كەلە جاتقاندىعىن تىلگە تيەك ەتتى.
- ەگەر دە مۇنداي قاراجات كولەمى 2010 جىلى 20 ملرد بولسا، 2013 جىلى 52،9 ملرد، ال وتكەن جىلى 49 ملرد. تەڭگە ٴبولىندى. سونداي-اق، بۇل سالاعا كەلىپ جاتقان جاستارىمىزدىڭ سانى ارتىپ، عىلىممەن اينالىساتىن ازاماتتاردىڭ قاتارى جاسارىپ كەلەدى، - دەدى تاحير وسپان ۇلى.
نۇرلىبەك دوسىباي،
سۋرەتتى تۇسىرگەن – عابيت ماداليەۆ
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5007
0