BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەۋروپاعا جىلقىنىڭ قۇرعاق ٴسۇتىن ەكسپورتتايمىز

وتاندىق بيزنەس وكىلدەرى جىلقىنىڭ ٴقادىرىن تۇسىنە باستاعان ٴتارىزدى. كەشە يندۋستريا جانە جاڭا تەحنولوگيالار مينيسترلىگىنىڭ القا ماجىلىسىندە ماماندار جۋرناليستەرگە جاعىمدى جاڭالىق جاريا ەتتى. جاقىندا ينجينيرينگ جانە تەحنولوگيا ترانسفەرتى ورتالىعى وتاندىق شارۋا قوجالىقتارىنىڭ بىرىمەن تىزە قوسا وتىرىپ، جىلقىنىڭ ٴسۇتىن كەپتىرۋ ارقىلى ارنايى ۇنتاق الاتىن جوبا جاساعان. قۇرعاق ٴسۇتتى سۋمەن ارالاستىرۋ ارقىلى جىلقىنىڭ ساۋمالىن ىشە الاسىز.
بۇل جاڭالىقتى جاقىندا ينجينيرينگ جانە تەحنولوگيا ترانسفەرتى ورتالىعى ديرەكتورىنىڭ ورىنباسارى مۇحتار ماڭ­كەەۆ تانىستىردى. «العاش رەت وسىنداي ۇنتاق الدىق، ەندى ونى ەۋروپادا سەرتيفيكاتتاۋ سىناعىنان وتكىزگەلى جاتىرمىز. بۇل ەلىمىزدە جاڭادان باستالىپ جاتقان، ەكسپورتتىق الەۋەتى بار تىڭ جوبا بولعالى وتىر. جاڭا برەند قۇرىلاتىن بولادى»، – دەيدى ول. ۇنتاقتى فارماسەۆتيكا، كوسمەتولوگيا، جاس بالالار مەن سپورتشىلاردىڭ تاعامىنا قوسۋعا بولادى. فرانسۋز تەحنولوگياسى بويىنشا جاسالاتىن ونىمگە بۇگىندە سۇ­رانىس كوپ بولاتىن ٴتۇرى بار. سەبەبى بىلتىر عانا باستالعان جوبانىڭ العاشقى ونىمدەرى جىل ورتاسىندا باتىستىڭ بىرنەشە ەلىنە ەكسپورتتالا باستايدى. «بۇل – ٴبىرىنشى پيلوتتىق جوبا. ەل اۋماعىن قامتىپ قانا قويماي، جىلىنا 30 تونناعا دەيىن سىرتقا شى­عارامىز»، – دەپ اتاپ ٴوتتى ول. «ورتاشا باعاسى ەلىمىزدە 150-170 ەۋرو كولەمىندە بولماق. بۇل جوبا ەۋروپادا، اسىرەسە، قىتاي ەلىندە جاقسى جولعا قويى­لىپ كەلەدى. ٴبىراق قازاق جىلقىلارى دالادا ٴوز اياعىمەن جايىلاتىندىقتان، قۇر­عاق ٴسۇ­تىنىڭ ساپاسى دا جاقسى بولماق، – دەيدى ما­ماندار. راسىندا، سوڭعى جىلدارى ٴون­دىرىس ورىندارىنىڭ ونىمدىلىگى مەن باسەكەگە قابىلەتتىلىگى ايتارلىقتاي ارتقان. اسىرەسە، ۋران ٴوندىرىسى جىلدان-جىلعا ارتىپ، فارماسەۆتيكا سالاسى دا جاقسارىپ كەلەدى. وتىرىستا «قازاتومونەركاسىپ» ۇلتتىق كومپانياسى» اق-نىڭ باسقارما ٴتوراعاسى ۆلاديمير شكولنيك: «وتكەن جىلى ەلىمىزدە 18 مىڭ تونناعا جۋىق ۋران ٴوندىرىلدى. ال بيىل 19 600 توننا ۋران ٴوندىرۋ جوسپارلانىپ وتىر. وسىلايشا، 53،6 ملرد تەڭگە كولە­مىندە تازا تابىس تابامىز»، – دەپ اتاپ وتكەنىن ايتا كەتۋ كەرەك. پرەمەر-مينيستردىڭ ورىنباسارى ٴارى يندۋستريا جانە جاڭا تەحنولوگيالار ٴمينيسترى اسەت يسەكەشەۆتىڭ سوزىنە قاراعاندا، وتكەن جىلى شىعارىلعان ٴونىمنىڭ فيزيكا­لىق كولەمى 10 پايىزعا ارتقان. ال وندىرىل­گەن ٴونىم كولەمى 18،4 پايىزدى قۇراپ وتىر. «2010 جىلى مەملەكەت باسشىسىنىڭ تاپسىرماسىمەن دۇنيەگە كەلگەن بەس جىلدىق يندۋستريالىق باعدارلاما ىسكە اسىرىلا باستادى. العاشقى ناتيجەلەرى دە جامان ەمەس. 2010 جىلى باسىمدىق بەرىلگەن سالالار بويىنشا ماستەر-جوسپارلار مەن دامۋ باعدارلامالارى دايىندالىپ جاتىر. اتالمىش جۇمىستاردىڭ اياسىندا 50-گە جۋىق جۇيەلىك شارالار مەن قولداۋ قۇرالدارى جاسالادى. سونداي-اق سىرتتان ينۆەستيسيا تارتۋ ٴۇشىن دايارلانعان تاعى 400-دەن استام جوبا بار. جالپى، اتقارىل­عان جۇمىستىڭ ارقاسىندا ونەركاسىپتىڭ بارلىق سالاسىندا العا جىلجۋشىلىق بار»، – دەپ اتاپ ٴوتتى ول. ٴبىراق جەتىستىكتىڭ ٴبىر باسپالداعىن با­عىن­دىردىق دەپ قاراپ قالۋعا بولمايدى. پرەمەر-مينيستر كارىم ٴماسىموۆ: «قازىرگى كەز­دەگى نەگىزگى نازار جەكە سەكتوردى دامى­تۋعا اۋدارىلۋى ٴتيىس»، – دەپ اتاپ ٴوتتى. «داع­دا­رىس كەزىندە اتقارىلعان جۇمىستاردىڭ نەگىزگى بولىگى مەملەكەتتىك رەسۋرستارعا جۇك­تەل­­دى. ەندى بۇل جۇكتەمەنى جەكە سەكتورعا با­عىت­تاۋ قاجەت. دامۋدىڭ نەگىزگى لوكوموتيۆى جە­كە سەكتور بولۋى كەرەك. سوندىقتان بۇ­گىندە قالىپتاسقان ٴوزارا ٴىس-قيمىل ارى قا­راي جالعاسىپ، نىعايۋى ٴتيىس»، – دەگەن ك.ٴما­سىموۆ شارىقتاپ بارا جاتقان ازىق-تۇ­لىك باعاسىنا دا توقتالدى. «ازىق-تۇلىك با­عاسى بويىنشا وبلىس اكىمدىكتەرىنىڭ اتقار­عان شارالارى قاتاڭ باقىلاۋدا بولادى. با­عا نارقى ٴار وبلىستا اركەلكى. مەن وسى ما­­سەلە تۇرعىسىنداعى شارالاردى قاتاڭ با­قى­لاي­مىن. بۇل باعىتتا اتقارىلاتىن شا­رالار بويىنشا دايىندالىڭىزدار. ال­داعى سەنبى كۇنگى سەلەكتورلىق كەڭەستە پرەزيدەنت تاپسىرماسىنا سايكەس، ەڭبەكپەن قامتۋ باعدارلاماسى مەن ازىق-تۇلىك باعا­سى ماسەلەلەرى قارالادى»، – دەدى پرەمەر. اۆتور: بۇركىت نۇراسىل، استانا http://www.alashainasy.kz/politics/18126/

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي