استانا: 
579 
0
استانا. ماۋسىمنىڭ 16 سى. bnews.kz – نارازىلىق اكسياسى باستالعالى بەرى جاڭاوزەن قالاسىداعى (ماڭعىستاۋ وبلىسى) «وزەنمۇنايگاز» وندىرىستىك فيليالىنىڭ مۇناي وندىرىسىندەگى شىعىندارى شامامەن 85 مىڭ تونناعا جەتتى، دەپ حابارلايدى «قازمۇنايگاز» بارلاۋ ٴوندىرۋ» اق ٴباسپاسوز قىزمەتى.
«ونىڭ نەگىزگى سەبەبى، ارنايى تەحنيكا جارتىسىنىڭ جۇمىسقا شىقپاۋى سالدارىنان ۇڭعىمالار مەن كاسىبي قۇرال جابدىقتارعا قىزمەت كورسەتۋ جانە جوندەۋ جۇمىستارى بويىنشا ٴبىراز قيىندىقتار تۋىندادى. ونىڭ كومپانيانىڭ جىلدىق تابىسىنا اسەر ەتۋ دەڭگەيى فيليالدىڭ تۇراقتى وندىرىستىك قىزمەتىن شۇعىل تۇردە قالپىنا كەلتىرۋ امالدارىنا بايلانىستى»، - دەلىنگەن حابارلامادا.
ٴباسپاسوز قىزمەتىنىڭ حابارلاۋىنشا، قازىرگى ۋاقىتتا «وزەنمۇنايگاز» قىزمەتكەرلەرىنىڭ ٴبىر بولىگى بۇرىنعىسىنشا جۇمىستارىنا كىرىسپەي وتىر. سوعان قاراماستان اكسيا قاتىسۋشىلارىنىڭ سانى كۇننەن كۇنگە ازايۋ ۇستىندە.
ٴباسپاسوز قىزمەتىنىڭ ناقتىلاۋىنشا، كومپانيا نارازىلىق اكسياسىنىڭ قاتىسۋشىلارىن جۇمىستان شىعارۋ ارەكەتىنە كوشتى.
http://www.bnews.kz/kk/news/post/52809/
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5007
0