BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەربولات دوسايەۆ مەملەكەتتىك ساتىپ الۋلاردى قاتاڭ باقىلاۋدى تاپسىردى

فوتو: Бауыржан Жуасбаев

مەملەكەتتىك ساتىپ الۋلار سالاسى «جەمقورلىق جايلاعان ايماق» بولىپ سانالادى. سوندىقتان مەملەكەتتىك ساتىپ الۋلاردى اشىق ٴارى تۇسىنىكتى ەتۋ - قارجى مينيسترلىگى مەن مەملەكەتتىك كىرىستەر كوميتەتىنىڭ باستى مىندەتى. 2018 جىلى مەملەكەتتىك ساتىپ الۋ جۇيەسىندەگى ماسەلەنى تولىق شەشۋگە نازار اۋدارۋ قاجەت. بۇل تۋرالى قر پرەمەر-مينيسترىنىڭ ورىنباسى ەربولات دوسايەۆ مالىمدەدى، دەپ حابارلايدى baq.kz ٴتىلشىسى.

الدىمەن ەربولات دوسايەۆ مەملەكەتتىك ساتىپ الۋلار تۋرالى زاڭىن تەزىرەك قابىلداۋ قاجەتتىگىن اتاپ ٴوتتى.

«قارجى مينيسترلىگىمەن مەملەكەتتىك ساتىپ الۋلار زاڭىنا تولىقتىرۋلار مەن وزگەرىستەر ەنگىزۋ تۋرالى زاڭ جوباسىنا قاتىستى سۇراقتار قالدى. بۇل زاڭدى الدىمەن ماجىلىستە، كەيىن سەناتتا قابىلداۋدى جەدەلدەتۋ ٴۇشىن جۇمىستار جۇرگىزۋ قاجەت. اتالعان سالاعا قاتىستى ماسەلەلەردى بىلەسىزدەر. ول تۋرالى اكىمدەر ايتىپ ٴجۇر»، - دەدى پرەمەر-مينيسترىنىڭ ورىنباسى قارجى مينيسترلىگىنىڭ كەڭەيتىلگەن القا وتىرىسىندا.

ونىڭ ايتۋىنشا، الداعى ۋاقىتتا مەملەكەتتىك ساتىپ الۋلار پروسەسىنە 2 كەزەڭنەن تۇراتىن كونكۋرس ەنگىزىلۋى مۇمكىن. وسى ورايدا دوسايەۆ اتالعان ماسەلەنىڭ ٴالى شەشىلمەگەنىن جەتكىزدى. سونىمەن قاتار ول مەملەكەتتىك ساتىپ الۋلار سالاسى سىبايلاس جەمقورلىققا بەيىم سالالاردىڭ ٴبىرى ەكەنىن اتاپ ٴوتتى.

«مەملەكەتتىك ساتىپ الۋ سالاسىنداعى جۇمىستاردى اكىمشىلەندىرىپ، رەتكە كەلتىرۋگە قاتىستى ماسەلەلەر شەشىمىن تاپقان جوق. بۇل سالا جەمقورلىق جايلاعان ايماق بولىپ سانالادى. ونى بارلىعى ايتىپ ٴجۇر. سەبەبى، مەملەكەتتىك ساتىپ الۋلار - اقساپ تۇرعان سالا. سوندىقتان اتالعان سالانى اشىق جانە تۇسىنىكتى ەتۋ - قارجى مينيسترلىگى مەن مەملەكەتتىك كىرىستەر كوميتەتىنىڭ باستى مىندەتى»، - دەدى ۇكىمەت باسشىسىنىڭ ورىنباسارى.

وسى ورايدا ەربولات دوسايەۆ مەملەكەتتىك ساتىپ الۋلار سالاسىن قاتاڭ باقىلاۋعا الۋدى تاپسىردى.

«ٴبىز 2018 جىلى مەملەكەتتىك ساتىپ الۋ جۇيەسىندەگى ماسەلەنى تولىق شەشۋگە نازار اۋدارامىز. ماڭگى ەشتەڭە بولمايدى. ٴبىزدىڭ حالقىمىز - «تالانتتى». ٴبىراق ولار جاڭا بىرنارسە ويلاپ تابادى. الايدا ٴبىز ولاردان ٴبىر قادام الدا بولىپ، ٴتيىستى شەشىمدەردى قابىلداۋعا ۇلگەرۋىمىز كەرەك. ٴبىز بيزنەستىڭ دامۋىنا كەدەرگى جاساماي، بيۋدجەت قارجىسىنىڭ ٴتيىمدى پايدالانۋىن قاداعالاۋىمىز كەرەك»، - دەپ تۇيىندەدى ٴسوزىن قر پرەمەر-مينيسترىنىڭ ورىنباسارى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي