BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەنەرگيا سەكتورىندا تاريفتەردى ەسەپتەۋ ادىستەمەسىنە وزگەرىس قاجەت

فوتو: ашық дереккөзден

استانا، baq.kz ٴتىلشىسى. بۇگىن «رەديسسون» قوناق ۇيىندە ەلەكتر ەنەرگەتيكالىق قاۋىمداستىعىنىڭ ۇيىمداستىرۋىمەن «قازاقستاننىڭ ەلەكتر ەنەرگەتيكالىق سالاسىنىڭ ۇزاق مەرزىمدى دامۋ ستراتەگياسى» تاقىرىبىندا فورۋم باستالدى.

قازاقستاننىڭ ەلەكتر ەنەرگەتيكالىق قاۋىمداستىعى ديرەكتورلار كەڭەسىنىڭ ٴتوراعاسى جومارت كوشەربايەۆ ەنەرگيا ٴوندىرۋشى كومپانيالار قىزمەتىن ايقىندايتىن زاڭنامالىق جانە نورماتيۆتىك اكتىلەردىڭ كەمشىن بولۋىنان ەنەرگيا ٴوندىرۋ سەكتورىنداعى وبەكتيۆتى پروبلەمالار تۋىنداپ وتىرعانىن اتاپ ٴوتتى.

«ەنەرگيا ٴوندىرۋ سەكتورى ٴۇشىن تاريفتەردى ەسەپتەۋ ادىستەمەسى جىلدىڭ سوڭىندا جينالعان كىرىستى ٴتاريفتى تومەندەتۋگە، ال كەلەسى كەزەڭدە شىعىندى قايتارۋدى كوزدەيدى. وسى ادىستەمە كىرىس الۋ ماقساتىندا كاسىپورىن قىزمەتىن ۇيىمداستىرۋدى كوزدەيتىن كاسىپكەرلىكتىڭ نەگىزگى پرينسيپتەرىن بۇزادى. باسەكەلەستىك ٴپرينسيپى دە بۇزىلىپ وتىر. سول سەبەپتى بۇگىندە بولشەك ساۋدا نارىعىنا بيزنەستى تارتۋ ٴۇشىن قولايلى ورتا قۇرۋ قيىن»، - دەدى كوشەربايەۆ.

ول ٴتاريفتى ۇيلەستىرۋ تەتىكتەرىنىڭ جەتىلدىرىلمەۋى سالانى جاڭعىرتۋ، ەسەپكە الۋ قۇرالدارى مەن وزگە دە قۇرال-جابدىقتاردى جاڭارتۋ ٴۇشىن ينۆەستيسيا سالۋعا مۇمكىندىك بەرمەي وتىرعانىن اتاپ ٴوتتى.

ايتا كەتسەك، فورۋمعا قاتىسۋشىلار، ەلەكتر ەنەرگەتيكاسىن يننوۆاسيالىق دامىتۋ، ەنەرگيا ٴوندىرۋشى ۇيىمداردى، ەنەرگيا تاراتۋشى كومپانيالاردى ىرىلەندىرۋ، جىلۋمەن قامتاماسىز ەتۋ، جاڭارتىلاتىن قۋات كوزدەرى، ەنەرگەتيكالىق جابدىق پەن ەلەكتر تەحنيكالىق ونىمدەر شىعارۋ، مونوپوليستىك قىزمەت سالاسىندا تاريف ساياساتىن جەتىلدىرۋ سەكىلدى وزەكتى ماسەلەلەردى تالقىلاپ وتىر.

ٴىس-شاراعا قر پارلامەنتىنىڭ، ورتالىق مەملەكەتتىك ورگانداردىڭ، «سامۇرىق-قازىنا» ٴۇاق، وبلىس اكىمدىكتەرىنىڭ، «نۇر وتان» پارتياسىنىڭ، حالىقارالىق جانە ۇكىمەتتىك ەمەس ۇيىمداردىڭ، قارجى ينستيتۋتتاردىڭ، ەلەكتر ەنەرگەتيكالىق كومپانيالاردىڭ، عىلىمي-زەرتتەۋ جانە جوبالاۋ ينستيتۋتتارىنىڭ بۇقارالىق اقپارات قۇرالدارىنىڭ وكىلدەرى قاتىسىپ وتىر.

قازاقستاننىڭ ەلەكتر ەنەرگەتيكالىق قاۋىمداستىعى – ەنەرگەتيكالىق كاسىپورىندار مەن ۇيىمداردىڭ بىرلەستىگى. قاۋىمداستىقتىڭ نەگىزگى ماقساتى – قر ەلەكتر ەنەرگەتيكا سالاسى سۋبەكتىلەرىنىڭ قىزمەتىن ۇيلەستىرۋ جانە ٴتيىمدى جۇمىس ىستەۋىنە جاعداي تۋعىزۋ، سونداي-اق ورتاق مۇددەلەرىن قورعاۋ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي