استانا. 20 ناۋرىز. baq.kz – يندۋستريالاندىرۋدىڭ ٴبىرىنشى بەسجىلدىعىندا حيميا ونەركاسىبى سالاسىندا 2،5 مىڭنان استام جۇمىس ورىنى اشىلدى، دەپ حابارلادى قر يلم ٴباسپاسوز قىزمەتى.
5007
0 
استانا: 
1077 
0
استانا. 20 ناۋرىز. baq.kz – يندۋستريالاندىرۋدىڭ ٴبىرىنشى بەسجىلدىعىندا حيميا ونەركاسىبى سالاسىندا 2،5 مىڭنان استام جۇمىس ورىنى اشىلدى، دەپ حابارلادى قر يلم ٴباسپاسوز قىزمەتى.
يندۋستريالاندىرۋدىڭ ٴبىرىنشى بەسجىلدىعىندا، ياعني 2010-2014 جىلدار ارالىعىندا حيميا ونەركاسىبى سالاسىندا 45 كاسىپورىن ىسكە قوسىلدى (2010 جىل - 5 نىسان; 2011 جىلى - 13 نىسان; 2012 جىلى - 7 نىسان; 2013 جىلى - 9 نىسان; 2014 جىلى - 11 نىسان).
بەس جىلدىڭ ىشىندە سالادا بارلىعى 2،5 مىڭنان استام جاڭا جۇمىس ورىنى اشىلدى.
ٴقازىر ەلىمىزدە حيميا سالاسىنىڭ 410 كاسىپورىنى جۇمىس ىستەيدى. ونىڭ ٴ371-ى - شاعىن، 26-سى - ورتا، ٴ13-ى - ٴىرى كاسىپورىن. ولار نەگىزىنەن بازالىق حيميكاتتار، مينەرالدىق تىڭايتقىشتار، لاكتار مەن بوياۋلار، پەستيسيدتەر جانە باسقا اگروحيميالىق ونىمدەردى شىعارادى.
2014 جىلى 100 139 توننا فوسفور،19 543 توننا حلور، 2 277 720 توننا كۇكىرت قىشقىلى، 32 954 توننا وكيس حروم توتىعى، 29 479 تونن ناتريي گيدروكسيدى، 282 848 توننا ازوت تىڭايتقىشتارى، 82 424 توننا فوسفور تىڭايتقىشتارى، 6 739 توننا جۋۋ قوسپالارى جانە 67 913 توننا پوليمەر نەگىزىندە بوياۋ جانە لاكتار شىعارىلدى.
2014 جىلى حيميا ونىمدەرىن ٴوندىرۋدىڭ نەگىزگى كولەمى مىنا وبلىستارعا: جامبىل - 23،7%، اقتوبە - 13،3%، ماڭعىستاۋ - 10،2%، قاراعاندى - 14،3%، شىعىس قازاقستان - 10،8% جانە پاۆلودار - 6،7% تيەسىلى. وتكەن جىلعى ەسەپتى كەزەڭمەن سالىستىرعاندا ماڭعىستاۋ وبلىسىنىڭ ۇلەسى ارتتى، ويتكەنى «قازازوت» جشس جوسپارلى قۋاتىنا شىققان بولاتىن.
يندۋستريالاندىرۋ كارتاسى اياسىندا قۇرىلعان سالا كاسىپورىندارى ەلىمىزدىڭ ەلەۋلى ۇلەس قوسىپ كەلەدى - حيميا ونەركاسىبى ٴوندىرىسىنىڭ جالپى كولەمىندەگى ولاردىڭ ۇلەس سالماعى 2010 جىلعى 0،9%-دان 2014 جىلدىڭ قاڭتار-قىركۇيەك ايلارىندا 22،7%-عا دەيىن ٴوستى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
