BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلىمىزدەگى ستاتيستيكالىق مالىمەتتەر شىندىققا جاناسا ما

فوتو: интернеттен

استانا، baq.kz ٴتىلشىسى. قر ۇەم ستاتيستيكا كوميتەتىنىڭ ٴتوراعاسى نۇربولات ايداپكەلوۆ سەناتورلاردىڭ «ەلىمىزدەگى ستاتيستيكالىق مالىمەتتەر شىندىققا جاناسا ما؟» دەگەن سۇراعىنا جاۋاپ بەردى.

بۇگىن سەناتتا ەكونوميكالىق ساياسات، يننوۆاسيالىق دامۋ جانە كاسىپكەرلىك كوميتەتىنىڭ كەڭەيتىلگەن وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك ستاتيستيكا ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تالقىلاندى.

وتىرىس بارىسىندا سەناتورلار زاڭ جوباسىن تانىستىرعان ستاتيستيكا كوميتەتىنىڭ ٴتوراعاسىنان «ستاتيستيكالىق دەرەكتەردىڭ دالدىگى، شىندىعى، سايكەس كەلەتىندىگى قانشا پايىز؟» دەپ سۇرادى.

«ٴبىز ٴتۇرلى ساۋالناما جۇرگىزەمىز. وعان دا سەنبەۋلەرىڭىز مۇمكىن. ٴبىراق، قازىرگى تاڭدا ٴوزىمىز ساۋالناما جۇرگىزگەن پايدالانۋشىلاردىڭ 88 پايىزى بىزگە سەنىپ وتىر. ٴبىز بۇنى جوعارى جەتىستىك دەپ ەسەپتەيمىز. دەگەنمەن، ونى سيفرلىق دەڭگەيدە قانشالىقتى ٴدال-دال ەمەس ەكەنىن سىزگە ناقتىلاپ ايتا المايمىز. جالپى العاندا ٴبىزدىڭ بۇكىل ٴادىسنامالارىمىز دۇرىس جازىلعان، بارلىق ستاندارتتارعا سايكەس كەلەدى. اقپارات جيناۋ ٴتارتىبىنىڭ ٴبارى ناقتى جاسالعان. ادامدارىمىز بار. سول جاعىنان وسى ۋاقىتقا دەيىن كۇمان تۋدىراتىنداي جاعدايلار بولعان ەمەس. ٴبىراق، جاسىراتىنى جوق، اراسىندا كەزدەسىپ تۇرادى. اسىرەسە، اۋىل شارۋاشىلىعى ستاتيستيكاسى بويىنشا ٴبىراز سيگنالدار كەلىپ جاتادى. ٴبىراق، ونى قولىنان ۇستاماعاننان كەيىن ٴبىز بۇنى دالەلدەي المايمىز. ٴبىز ارتىنان تەكسەرىپ، شىندىق نە شىندىق ەمەسىن انىقتاي المايمىز، بىزدە ونداي فۋنكسيا جوق. نەگە دەسەڭىز، بۇكىل الەمدىك ستاتيستيكا رەسپوندەنتتىڭ ٴمورى باسىلعان، قولى قويىلعان دەرەكتەرىنەن تۇرادى. سول ەسەپكە بايلانىستى قابىلدانادى. سوندىقتان، ناقتى ونداي قاتەلىك بار نە اۋىتقۋ بار دەپ ايتۋ قيىن»، - دەپ جاۋاپ بەردى نۇربولات ايداپكەلوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي