ەلىمىزدەگى ازاماتتاردىڭ باسىم بولىگى اقشالارىن شەتەلدىك بانكتەردە ساقتايدى

استانا. 26 جەلتوقسان. baq.kz - قازىرگى تاڭدا ەلىمىزدەگى ازاماتتاردىڭ باسىم بولىگى جەرگىلىكتى بانكتەرگە سەنبەگەندىكتەن قارجىلارىن شەتەلدىك بانكتەردە ساقتايدى. بۇل تۋرالى «الماتى» تەلەارناسى «ىسكەرلەر ۋاقىتى» باعدارلاماسىندا «l capital” كومپانياسىنىڭ باسقارما ٴتوراعاسى سايلاۋ ٴابايدىلدانوۆ مالىمدەدى. 

«ٴبىز تاۋەلسىزدىك العان جىلداردان باستاپ، حالقىمىزدىڭ ٴال-اۋقاتى جىلدان-جىلعا وسپەسە، كەمىپ كەلە جاتقان جوق. ونى الەم جۇرتى دا مويىنداپ وتىر. سوندىقتان جەكە ازاماتتىڭ قورى، قارجىسى پايدا بولعان ۋاقىتتا ول اقشانى ٴبىر جەرگە ينۆەستيسيا جاساۋ قاجەت، ٴبىر جەرگە ونى سالۋ كەرەك. سوڭعى زەرتتەۋلەردىڭ قورىتىندىسى بويىنشا، بىزگە تيەسىلى اقشانىڭ 40%-ى بانكتىك دەپوزيتتەردە ساقتالادى. ال حالىقتىڭ 10% كىشى بيزنەسكە سالسا، 10 %-دى حالىق قۇندى قاعازدار نارىعىنا سالادى. قالعان 40%-ى بۇگىنگى كۇندە ۇيدە ساقتايدى. ول اقشا نە ەكونوميكاعا جۇمىس جاسامايدى، نە ادامعا ارتىق پايدا الىپ كەلمەيدى. زاڭداردا كەمشىلىكتەر جوق. ازاماتتاردىڭ مۇمكىندىكتەرىن تەجەيتىن زاڭدار دا كەزدەسپەيدى. بارلىق جاعداي جاسالعان. ٴبىراق حالقىمىزدىڭ ساناسى سوۆەت وداعىنان قالعان. اقشاسى بار ازاماتتار كوپ جاعدايدا سەنىم ارتا بەرمەيدى. سوندىقتان اقشالارىن شەتەلدە ساقتاۋلارى وسىدان دەپ ويلايمىن. زاڭدى جەتىك بىلمەگەندىكتەن، ولار شەتەلدىك بانكتەر وتە جاقسى دەپ ويلايدى. ٴبىراق ول جاقتا ٴوسىم از ەكەندىگىن ەسكەرگەن ٴجون»، - دەدى سايلاۋ ٴابايدىلدانوۆ. 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!