BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلىمىزدە ٴداستۇرلى ەنەرگيا كوزدەرى وتە كوپ – پروفەسسور

فوتو: ашық дереккөзден

الماتى، baq.kz ٴتىلشىسى. الماتى ەنەرگەتيكا جانە بايلانىس ۋنيۆەرسيتەتىندە اتالعان وقۋ ورىننىڭ تۇڭعىش رەكتورى عۇماربەك داۋكەەۆتى ەسكە الۋعا ارنالعان ح حالىقارالىق عىلىمي-تەحنيكالىق كونفەرەنسيا ٴوتىپ جاتىر.

كونفەرەنسيا جۇمىسىنا ەنەرگەتيكا، تەلەكوممۋنيكاسيا كومپانيالارىنىڭ جانە ينجەنەرلىك، قۇرىلىس فيرمالارىنىڭ بيزنەس-قوعامداستىقتارى وكىلدەرى، تەحنولوگيالىق جابدىقتاردى ٴوندىرۋ جونىندەگى كومپانيالار، جوو، عىلىمي ۇيىمدار، سالالىق قاۋىمداستىقتار، مەمورگاندار، سونداي-اق پولشانىڭ، لاتۆيانىڭ، رەسەيدىڭ جانە ورتالىق ازيانىڭ عالىمدارى مەن وقىتۋشىلارى قاتىسۋدا.

اتالعان ۋنيۆەرسيتەتتىڭ پرورەكتورى ەركەش ابراحمانوۆ سوڭعى كەزدەرى ەلىمىزدە جانە الەمدە جاڭعىرتىلاتىن ەنەرگيا كوزدەرىنە ۇلكەن كوڭىل ٴبولىنىپ جاتقاندىعىن ايتادى.

«بىلتىر قازاقستاندا expo-2017 حالىقارالىق كورمەسى وتكەنىن بىلەسىزدەر. وندا دۇنيەجۇزى بويىنشا ەنەرگيا الۋدىڭ جەتىستىكتەرى مەن قوندىرعىلارى قويىلدى. ولار ەلىمىزدە جاڭعىرتىلاتىن ەنەرگيانى دامىتۋعا تۇرتكى بولدى. ٴقازىر ٴار ٴوڭىر جاڭعىرتىلاتىن ەنەرگيا كوزدەرىن قولدانۋعا اتسالىسىپ، ۇلكەن كوڭىل اۋدارىپ وتىر»، -دەيدى ول.

سونىمەن قاتار ول، وزگە ەلدىڭ جەتكەن جەتىستىگىن پايدالانىپ قانا قويماي، ونى يگەرۋ جولىندا قازاقستاننىڭ وزىنە ٴتان ماسەلەلەرى مەن جاڭعىرتىلاتىن ەنەرگيا كوزدەرىنىڭ ٴوز ەرەكشەلىگىنە بايلانىستى كوپتەگەن قيىندىقتار دا تۋىنداپ وتىرعاندىعىن جەتكىزدى.

«بۇل باعىتتا كەيبىر ەلدەر العا قاراي دامىپ كەتكەندىكتەن ولاردىڭ تاجىريبەسىن دە قولدانۋىمىز كەرەك. دەگەنىمەن، جاڭعىرتىلاتىن ەنەرگيا كوزدەرى وندىرەتىن ەنەرگيانىڭ باعاسى جوعارى، ەلىمىزدە ٴداستۇرلى ەنەرگيا كوزدەرى وتە كوپ، ماسەلەن كومىر، گاز، مۇناي ٴبارى بار جانە ولار ارزان. ەڭ نەگىزگى ماسەلە وسى بولىپ تۇر. ونىڭ ۇستىنە قازاقستاندا وعان قاجەتتى قوندىرعىلار، قۇرال جابدىقتار وندىرىلمەيدى، ولاردى شەتەلدەن الۋعا تۋرا كەلەدى. ال ولاردىڭ جابدىقتارى ٴبىزدىڭ اۋا رايىنا جاراي بەرمەيدى، سوندىقتان ونى سايكەستەندىرۋ باعىتىندا دا كوپتەگەن جۇمىستار اتقارۋ قاجەت»، -دەيدى ە.ابدراحمانوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي