ەلىمىزدە جەڭىل كولىكتەر سانى ارتىپ كەلەدى

استانا. 13 قاڭتار. baq.kz - وتكەن جىلدىڭ 11 ايىندا رەسپۋبليكادا تىركەلگەن جەڭىل اۆتوكولىكتەردىڭ سانى 2013 جىلعى كورسەتكىشتەرمەن سالىستىرعاندا 15 پايىزعا كوبەيگەن، - دەپ حابارلايدى ستاتيستيكا كوميتەتىنىڭ ٴباسپاسوز قىزمەتى.

"2014 جىلعى قاڭتار-قاراشادا رەسپۋبليكادا 637 257 جەڭىل اۆتوموبيل تىركەلگەن نەمەسە وتكەن جىلعى ٴتيىستى كەزەڭمەن سالىستىرعاندا 15،0 پايىزعا جوعارى. 2014 جىلعى 1 جەلتوقسانداعى جاعداي بويىنشا جەڭىل اۆتوكولىكتىڭ قولدا بارى 3 906،2 مىڭ بىرلىكتى قۇرادى"، - دەلىنگەن كوميتەتتىڭ سايتىندا.

رەسپۋبليكا بويىنشا جەڭىل اۆتوكولىكتەر وڭتۇستىك قازاقستان (82 983) وبلىسىندا ەڭ كوپ تىركەلگەن، ونىڭ ىشىندە، دەنى - 80 948 اۆتوكولىك جەكە تۇلعالاردىڭ اتىندا. بۇل - 2013 جىلمەن سالىستىرعاندا، 119،3 پايىزعا كوپ. اۆتوكولىكتەر الماتى (80 803) وبلىسى مەن الماتى قالاسىندا دا (78 740) كوپ تىركەلگەن. الماتى وبلىسىندا جەڭىل اۆتوكولىك سانى 117،6 پايىزعا، الماتى قالاسىندا 114 پايىزعا كوبەيىپ وتىر.

ەڭ از كورسەتكىشتەر - سولتۇستىك قازاقستان (17 220)، باتىس قازاقستان (18 982) جانە قىزىلوردا (19 693) وبلىستارىندا. سولتۇستىك قازاقستاندا جەكە تۇلعالاردىڭ اتىندا 16 064، زاڭدى تۇلعالاردىڭ اتىندا 1 156 اۆتوكولىك بار. باتىس قازاقستان وبلىسىندا جەكە تۇلعالاردىڭ اتىنا 17 885، زاڭدى تۇلعالاردىڭ اتىنا 1 097 اۆتوكولىك ەسەپكە الىنعان. زاڭدى تۇلعالاردىڭ اتىنداعى جەڭىل اۆتوكولىكتەردىڭ سانى جونىنەن باتىس قازاقستان وبلىسى ەڭ تومەنگى ورىندا.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!