ەلىمىزدە ەلەكتر ەنەرگياسىنىڭ تۇپكىلىكتى قۇنىن تومەندەتۋ جۇمىستارى جۇرگىزىلۋدە

 استانا. 27 ناۋرىز. baq.kz - قر ۇەم تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتى جانە ونىڭ اۋماقتىق دەپارتامەنتتەرى ەنەرگيا بەرۋشى ۇيىمدارىنىڭ تاريفتەرىن جانە ەلەكتر ەنەرگياسىنىڭ تۇپكىلىكتى قۇنىن تومەندەتۋ جۇمىسىن جۇرگىزۋدە. بۇعان سەبەپ بولىپ وتىرعان «ەكىباستۇز گرەس-1» جشس-نىڭ ەلەكتر ەنەرگياسىنىڭ قۇنىن 8،80-دەن باستاپ 8،65 تەڭگە/كۆت.ساع. دەيىن تومەندەتۋى.

 وسى ورايدا، قر ۇلتتىق ەكونوميكا مينيسترلىگى 2015 جىلعى 1 ساۋىردەن باستاپ ەلەكتر ەنەرگياسى قۇنىن تومەندەتۋدىڭ 2-كەزەڭى باستالعانىن حابارلايدى. سونىمەن بىرگە ەلەكتر ەنەرگياسى قۇنىن تومەندەتۋدىڭ 1-كەزەڭى اعىمداعى جىلعى 7 ناۋرىزدا جۇرگىزىلگەن بولاتىن.
سونىمەن، «kegoc» اق-نىڭ ەلەكتر ەنەرگياسىن بەرۋگە ارنالعان ٴتاريفى 1،954-تەن 1،943 تەڭگە/كۆت.ساع. دەيىن نەمەسە 0،011 تەڭگە/كۆت.ساعاتقا تومەندەدى.
وڭىرلىك ەلەكتر جەلىلىك كومپانيالارىنىڭ ەلەكتر ەنەرگياسىن بەرۋ تاريفتەرى:
- قوستاناي وبلىسىندا («مەجرەگيونەنەرگوترانزيت» جشس) - 1،736-دان 1،734 تەڭگە/كۆت.ساع. دەيىن نەمەسە 0،002 تەڭگە/كۆت.ساعاتقا.;
- اقمولا وبلىسىندا («كوكشەتاۋ ەنەرگو» جشس) - 5،81-دەن 5،77 تەڭگە/كۆت.ساع. دەيىن نەمەسە 0،04 تەڭگە/كۆت.ساعاتقا تومەندەدى.
وسىلايشا، ەلەكتر ەنەرگياسىنىڭ تۇپكىلىكتى قۇنى تومەندەتىلدى، تۇتاستاي العاندا باعا «كورىنىسى» استانا قالاسى بويىنشا 13،86 تەڭگە/كۆت.ساع-تان 13،76 تەڭگە/كۆت.ساع-قا ارزانداعان. وزگە وبلىستار مەن قالالارداعى باعا كورىنىسىن مينيسترلىكتىڭ سايتىنان كورۋگە بولادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!