استانا: 
465 
0
استانا. 9 قاڭتار. baq.kz – بۇگىن پرەزيدەنت جانىنداعى ورتالىق كوممۋنيكاسيالار قىزمەتىنىڭ الاڭىندا وتكەن ٴباسپاسوز ٴماسليحاتىندا ٴبىلىم جانە عىلىم مينيسترلىگىنىڭ جانىنان قۇرىلعان تەحنولوگيالاردى كوممەرسيالاندىرۋ ورتالىعىنىڭ باس ديرەكتورى دامير ەگىزبايەۆ قازاقستاننىڭ قوڭىر كومىرىنەن بەنزين مەن ديزەلدى وتىن ٴوندىرۋ ماسەلەسىنە قاتىستى وسىنداي مالىمدەمە جاسادى.
- ٴبىزدىڭ كومەگىمىزبەن، قازاقستاندا تەحنولوگيالاردى كوممەرسيالاندىرۋ ۇدەرىسىنەن ٴوتىپ جاتقان قارجىلاندىرىلعان كەيبىر جوبالاردى مىسالعا كەلتىرسەك، ول بىلاي: كەڭ بايتاق دالامىزدىڭ قويناۋىندا جاتقان قوڭىر كومىردەن بەنزين مەن ديزەلدى وتىن ٴوندىرۋ ٴىسىن قولعا الۋدامىز. بۇل جوبانى 2013 جىلدان بەرى كومىر حيمياسى جانە تەحنولوگيالار ينستيتۋتى ىسكە اسىرۋدا. كومىردى قايتا وڭدەۋ ۇدەرىسى دۇنيە ٴجۇزى ماماندارىمەن دايىندالعان، الايدا قازاقستاندىق عالىمدار بۇل تەحنولوگيانى وتاندىق قوڭىر كومىر ەرەكشەلىكتەرىنە سايكەس بەيىمدەي وتىرىپ جانە تەحنولوگيالىق ۇدەرىستى شاپشاڭداتىپ جانارماي باعاسىن تومەندەتۋ باعىتىندا تالماي ەڭبەكتەنۋدە.ٴساتىن سالسا، 2015 جىلدىڭ ساۋىرىندە ەرەيمەنتاۋ جانىندا ازىرشە تاۋلىگىنە 0،8 توننا قۋاتتىلىعىمەن «سارىادىر» كومىر كەنىندە شاعىن تاجىريبەلىك-ەكسپەريمەنتتىك كەشەن قۇرىلماق. سۇيىق وتىننىڭ باعاسى 1 ليترىنە 42 تەڭگەنى قۇرايتىن بولادى. بۇگىنگى كۇنى، كومىردەن بەنزين جانە ديزەلدى وتىن ٴوندىرۋ بويىنشا ەكسپەريمەنتتىك كەشەن جۇمىسىنىڭ ونەركاسىپتىك وندىرىسىنە 1 ملن. اقش دوللارىن جۇمساۋعا دايىن ينۆەستور دا تابىلىپ وتىر، - دەدى دامير التىنبەك ۇلى.
سونىمەن قاتار، ول جارقىن جبالاردىڭ قاتارىندا ونەركاسىپتىك وبەكتىلەردە پايدالانىلاتىن امبەباپ وتتان قورعايتىن سۇيىقتىقتى جاساۋ بولىپ تابىلاتىندىعىن دا اتاپ ٴوتتى. ال مۇنداي جوبانى قبتۋ عالىمدارى ۇسىنعان ەكەن.
- بيىلعى جىلى قازاقستاندا امبەباپ وتتان قورعايتىن سۇيىقتىقتى جاساۋدىڭ تۇڭعىش ٴوندىرىسى باستالماق. اتالعان سۇيىقتىق ۋىتتى ەمەس، شەتەلدىك ۇقساس سۇيىقتىقتاردان 1،5-3 ەسە ارزان ٴارى پايدالانۋ مەرزىمى 2-5 جىل ورنىنا 7 جىلدى قۇرايدى. بۇگىندە ونىڭ الەۋەتتى ساتىپ الۋشىلارى دا تابىلىپ وتىر. ول تاياۋ شەتەلدەردىڭ جيھاز فابريكالارى. سونداي-اق، ونى ٴوز ەلىمىزدىڭ كەيبىر ونەركاسىپتىك كاسىپورىندارى دا الدىن الا تاجىريبە جاساي وتىرىپ، ساتىپ الۋعا ٴوز كەلىسىمدەرىن بەردى، - دەيدى ول.
نۇرلىبەك دوسىباي،
سۋرەتتى تۇسىرگەن – عابيت ماداليەۆ
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5014
0