استانا: 
559 
0
استانا. 6 ٴساۋىر. baq.kz – بۇگىن ورتالىق كوممۋنيكاسيالار قىزمەتىنىڭ الاڭىندا ٴباسپاسوز ٴماسليحاتىن وتكىزگەن ۇلتتىق ەكونوميكا ۆيسە-مينيسترى مارات قۇسايىنوۆ اعىمداعى جىلدا داعدارىسقا قارسى ارنالعان جەتى بىردەي شارا اياسىندا – ەل ەكسپورتىن قولداۋعا 50 ملرد تەڭگە مولشەرىندە قاراجات بولىنەتىندىگىن مالىمدەدى، - دەپ حابارلايدى baq.kz ٴتىلشىسى.
وتاندىق ەكونوميكانىڭ ەڭسەسىن تىكتەۋگە قاتىستى قولعا الىنعان شارالاردىڭ ەڭ العاشقىسى وتاندىق ماشينا جاساۋ ٴىسىن ىلگەرىلەتۋ بولسا، بۇل باعىتقا ۇلتتىق قوردان كەزەڭ-كەزەڭمەن ميللياردتاعان قارجى بولىنەتىندىگى بەلگىلى.
- وسى ساناتتىڭ ەكىنشىسى بولىپ كورسەتىلگەن قولداۋدىڭ ٴبىرى – ەل ەكسپورشىلارىنا بولىنەتىن 50 ملرد تەڭگە جايىن ەرەكشە اتاپ وتكىم كەلەدى. 2015-16 جىلدارى ەلىمىزدەگى دامۋ ينستيتۋتتارى ارقىلى ەكسپورتتاردى جانە ەكسپورتتىق كرەديتتەۋ جولىمەن ۇلتتىق قوردان 50 ملرد تەڭگە مولشەرىندە قاراجات ٴبولۋ كوزدەلگەن، - دەدى ۆيسە-مينيستر.
مارات ابسامەت ۇلىنىڭ ايتۋىنشا، ۇزاقمەرزىمدى جەڭىلدەتىلگەن قارجىلاندىرۋدى ۇسىنۋ ەكسپورتەرلەرگە الەۋەتتى ساتىپ الۋشىلاردى ىنتالاندىرۋ جولىمەن ٴونىمدى وتكىزۋدى قامتاماسىز ەتۋگە مۇمكىندىك بەرەتىن كورىنەدى. وسىلايشا، قازاقستاندا جاسالعان ونىمدەردى ەكسپورتتاۋدا ٴبىزدىڭ ونىمدەرگە جاڭا پەرسپەكتيۆتى تاۋارلار نارىعىنا شىعۋ مۇمكىندىكتەرى تۋىنداماق ەكەن.
نۇرلىبەك دوسىباي
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5013
0