ەگىن ناۋقانىن قارجىلاندىرۋعا ٴوتىنىم قابىلداۋ باستالدى

استانا. 16 قاڭتار. baq.kz – «قازاگرو» ۇلتتىق باسقارۋشى حولدينگى رەسپۋبليكانىڭ اۋىل شارۋاشىلىعى تاۋار وگندىرۋشىلەرىنەن 2015 جىلعى كوكتەمگى-ەگىس جانە استىق جيناۋ جۇمىستارىن قارجىلاندىرۋعا وتىنىمدەردى قابىلداۋ باستالاعانى تۋرالى حابارلايدى.

بيۋدجەتتىك نەسيە قاراجاتى ەسەبىنەن وتىنىمدەردى قابىلداۋ جانە اگروتەحنيكالىق شارالاردى قارجىلاندىرۋ ۇلتتىق حولدينگتىڭ ەنشىلەس كومپانيالارىنىڭ ايماقتىق قۇرىلىمدارى جۇزەگە اسىرادى - ازىق-تۇلىك كەلىسىم شارت كورپوراسياسى جانە اگرارلىق نەسيە كورپوراسياسى جانە باعدارلاما سەرىكتەستەرى – ەكىنشى دەڭگەيلى بانكتەر. اگرووندىرىستىك كەشەن سۋبەكتىلەرىن قولداۋ بويىنشا شارالاردى جۇرگىزۋ ٴۇشىن «قازاگرو» ۇلتتىق باسقارۋشى حولدينگىنە 60 ملرد.تەڭگە كولەمىندە بيۋدجەتتىك نەسيە بەرىلدى.
«ازىق-تۇلىك كەلىسىم شارت كورپوراسياسى» ۇك» اق /ازىق-تۇلىك كورپوراسياسى/ اۋىل شارۋاشىلىعى تاۋار وندىرۋشىلەرىن قولداۋ ماقساتىندا كوكتەمگى ەگىس جۇمىستارىن قارجىلاندىرۋ جولىمەن استىقتى فورۆاردتىق ساتىپ الۋعا وتىنىمدەردى قابىلداۋدى جۇزەگە اسىرا باستادى.
اتالعان باعدارلامانىڭ قاتىسۋشىلار ٴتىزىمىن وبلىس اكىمشىلىكتەرى جانىنداعى وبلىستىق ۇيلەستىرۋ كەڭەستەرى قۇرادى.
«اگرارلىق نەسيە كوپروراسياسى» اق /انك/ ەگىن ەگۋ جانە استىق جيناۋ بويىنشا جانار-جاعارماي ماتەريالدارىن، اۋىل شارۋاشىلىعى تەحنيكاسىنىڭ زاپاستىق بولشەكتەرىن مەن جوندەۋ جۇمىستارىن، مينەرالدىق تىڭايتقىشتاردى، وسىمدىكتەردى ساقتاۋ قۇرالدارى مەن باسقا رەسۋرستاردى قارجىلاندىرۋ بويىنشا وتىنىمدەردى قابىلدايدى.
مۇددەلى پوتەنسيالدى قارىزگەرلەر تولىق اقپاراتتى «اگرارلىق نەسيە كورپوراسياسى» اق-نىڭ www.agrocredit.kz كورپوراتيۆتىك سايتىنان، سونىمەن قاتار، كوپروراسيانىڭ ورتالىق اپپاراتى مەن بارلىق ايماقتىق فيليالدارىنىڭ كەڭسەلەرىنەن قاعاز جانە ەلەكتروندىق تۇردە الۋعا مۇمكىندىكتەرى بار.
انك مەن ازىق-تۇلىك كورپوراسياسىنىڭ بيۋدجەتتىك قاراجاتىنان باسقا اعىمداعى جىلدىڭ كوكتەمگى ەگىس جۇمىستارىن «ەگىنجاي» باعدارلاماسى شەڭبەرىندە اۋىل شارۋاشىلىعىن قارجىلاي قولداۋ قورى ٴوز قاراجاتى ەسەبىنەن جۇزەگە اسىرادى. بۇل شارالارعا كومپانيا 1 960 ملن.تەڭگە ٴبولۋدى جوسپارلاۋدا.
«ەگىنجاي» باعدارلاماسى بويىنشا نەسيە الۋ ٴۇشىن «اۋىل شارۋاشىلىعىن قارجىلاي قولداۋ قورى» اق-نىڭ وبلىستىق فيليالدارىنا قارجىلاندىرۋ وتىنىمىمەن بارۋعا بولادى. فيليالدار وبلىستىق ورتالىقتاردا، سونىمەن قاتار، استانا، الماتى، سەمەي قالالارىندا ورنالاسقان.
 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!