دسۇ-عا ەنگەننەن كەيىن قازاقستان اۆتوكولىككە باج سالىعىن تومەندەتەدى

استانا. ماۋسىمنىڭ ٴ23-ى. bnews.kz – دسۇ-عا ەنگەننەن كەيىن قازاقستان جەڭىل اۆتوكولىكتەرگە سالىناتىن يمپورتتىق باج سالىعىن 18%-عا دەيىن تومەندەتەدى. بۇل جونىندە جۋرناليستەرگە بەرگەن سۇحباتىندا قازاقستاننىڭ ەكونوميكالىق ينتەگراسيا ىستەرى جونىندەگى ٴمينيسترى جانار ايتجانوۆا حابارلادى.

«بۇگىن ٴبىرىڭعاي كەدەندىك تاريف اياسىندا اۆتوكولىكتەرگە سالىناتىن يمپورتتىق باج سالىعى 30% كولەمىندە بەكىتىلدى. اۆتوكولىكتەر بويىنشا يمپورتتىق كەدەندىك باج سالىعى ٴبىزدىڭ ەلدەرىمىز دسۇ-عا ەنگەننەن كەيىن ارزاندايتىن بولادى»، - دەدى ج. ايتجانوۆا.

ونىڭ ايتۋى بويىنشا، دسۇ-عا كىرگەننەن كەيىن باستاپقى مىندەتتەمە رەتىندە كەدەندىك باج سالىعى 23-25%-عا، بەلگىلى وتپەلى كەزەڭدى وتكەرگەننەن كەيىن 18%-عا دەيىن تومەندەيتىن بولادى.

ج. ايتجانوۆانىڭ ەسكەرىپ وتكەنىندەي، كەدەندىك باج سالىقتارىن تومەندەتۋ ماسەلەسى قازاقستان مەن رەسەيدىڭ دسۇ-نىڭ نەگىزگى مۇشە-مەملەكەتتەرىمەن قوسىمشا كەلىسسوزدەرىنىڭ ناتيجەسىنە بايلانىستى. بولجام بويىنشا، استانا كەلىسسوزدەردى كەلەسى جىلدىڭ باسىنا دەيىن اياقتاۋى مۇمكىن.

«ٴبىز ٴالى ساۋىد ارابياسىمەن كەلىسىمگە كەلۋىمىز كەرەك. موڭعوليا جانە ارگەنتينامەن كەلىسىمگە قول قويىلعان جوق. وسى كەلىسىمدەردى سوڭىنا دەيىن جەتكىزۋىمىز كەرە»، - دەدى ج. ايتجانوۆا.

ەستەرىڭىزگە سالا كەتەيىك، قازاقستان دسۇ قىرامىنا 2012 جىلى كىرەمىز دەپ جوسپارلاپ وتىر.

http://www.bnews.kz/kk/news/post/53309/

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!