د.نازاربايەۆا: مەملەكەت مەنشىگىنەن شىعارۋ دەگەنىمىز، جەكەشەلەندىرۋ ەمەس - قازاقستان ەكونوميكاسى|28 قاڭتار 2016، 13:01
كۋرسى ۆاليۋت وبنوۆليايۋتسيا
استانا:

د.نازاربايەۆا: مەملەكەت مەنشىگىنەن شىعارۋ دەگەنىمىز، جەكەشەلەندىرۋ ەمەس

استانا. 28 قاڭتار. baq.kz – كەيبىر مادەنيەت نىسانى مەملەكەت مەنشىگىنەن شىعارىلۋى مۇمكىن. بۇل تۋرالى قر مادەنيەت جانە سپورت مينيسترلىگىندە وتكەن كەڭەيتiلگەن القا وتىرىسىندا قازاقستان رەسپۋبليكاسى پرەمەر-مينيسترىنىڭ ورىنباسارى داريعا نازاربايەۆا مالىمدەدى.

«قازىرگى تاڭدا كەيبىر مادەنيەت نىسانىن مەملەكەت مەنشىگىنەن شىعارۋ ماسەلەسى كوتەرىلۋدە. مەملەكەت مەنشىگىنەن شىعارۋ دەگەنىمىز، جەكەشەلەندىرۋ ەمەس. بۇل ۇعىم قازىرگى جاعدايدا باسقارۋ جۇمىسىن سەنىمدى باسقارۋشىعا تاپسىرۋ دەگەندى بىلدىرەدى. قانداي دا ٴبىر نىسان ٴۇشىن جاۋاپكەرشىلىكتى موينىنا الاتىن، نىسانعا قارجى ينۆەستيسيالايتىن ٴارى پايدالانۋ ماقساتىن وزگەرتپەيتىن جەكەمەنشىك ينۆەستور تابىلسا، كەيبىر نىسانداردى اۋكسيونعا دا قويۋعا بولار. نىسان جىلجىمايتىن مۇلىك سياقتى عانا تارتىمدى بولماۋى كەرەك. سەبەبى، ادەتتە مادەنيەت نىساندارى ەلدى مەكەندەردىڭ ورتالىقتارىندا، جاقسى اۋداندارىندا ورنالاسادى. بۇل مىندەتتى تالاپ. سوندىقتان، مادەنيەت جانە سپورت مينيسترلىگى بۇل ماسەلە بويىنشا جۇمىس جاساپ، جوسپار ازىرلەۋى كەرەك»، - دەدى د.نازاربايەۆا.

ەستەرىڭىزگە سالىپ وتسەك، بۇگىن قر مادەنيەت جانە سپورت مينيسترلىگىندە قازاقستان رەسپۋبليكاسى پرەمەر-مينيسترىنىڭ ورىنباسارى داريعا نازاربايەۆانىڭ، قر مادەنيەت جانە سپورت ٴمينيسترى ارىستانبەك مۇحامەدي ۇلى مەن مادەنيەت جانە سپورت سالاسىنىڭ باسشىلارىنىڭ قاتىسۋىمەن كەڭەيتiلگەن القا وتىرىسى ٴوتتى. وتىرىستا وتكەن جىلعى جۇمىس قورىتىندىلانىپ، 2016 جىلعا جوسپار قۇرىلدى.

قىمبات ەلتايقىزى،

فوتو: uralskweek.kz
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي