BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«بجزق»-نىڭ جىل باسىنان بەرگى ٴوسىمى 1،3 ترلن تەڭگەنى قۇرادى

الماتى، baq.kz. 2018 جىلدىڭ 1 قاراشاسىنداعى جاعداي بويىنشا زەينەتاقى جيناقتارىنىڭ جالپى سوماسى 9 ترلن تەڭگەنى قۇراپ، وتكەن جىلدىڭ سايكەس كەزەڭىنەن بەرى 1،5 ترلن تەڭگەگە ارتتى. بۇل جايىندا «بجزق» اق-ى ٴمالىم ەتتى.

ٴبىر جىل ىشىندەگى ٴوسىم – 19 پايىز بولعان. ال 2018 جىلدىڭ باسىنان بەرى ٴوسىم – 1،3 ترلن تەڭگەنى نەمەسە 16 پايىزدى قۇراعان. زەينەتاقى جيناقتارىنىڭ باسىم بولىگى مىندەتتى زەينەتاقى جارنالارى ەسەبىنەن قالىپتاسىپ، ولاردىڭ سوماسى 8،9 ترلن تەڭگەگە جەتكەن.

«2018 جىلدىڭ 1 قاراشاسىنا قاراي شارتتاردىڭ بارلىق تۇرلەرى بويىنشا جەكە زەينەتاقى شوتتارىنىڭ (جزش) سانى 10،3 ملن بىرلىكتى قۇرادى. ونىڭ ىشىندە مىندەتتى زەينەتاقى جارنالارى (مزج) ەسەبىنەن اشىلعان شوتتار 9،8 ملن بىرلىك، مىندەتتى كاسىپتىك زەينەتاقى جارنالارىن (مكزج) ەسەپكە الۋ بويىنشا جزش سانى 472،5 مىڭ بىرلىك، ال ەرىكتى زەينەتاقى جارنالارى (ەزج) بويىنشا 46 مىڭ بىرلىك بولدى»، - دەلىنگەن حابارلامادا.

2018 جىلدىڭ 10 ايى ىشىندە قور سالىمشىلارىنىڭ شوتتارىنا ەسەپتەلگەن تازا ينۆەستيسيالىق تابىس سوماسى 715،6 ملرد تەڭگەگە جەتكەن. سالىستىرىپ قاراساق، وتكەن جىلدىڭ سايكەس كەزەڭىندە تازا ينۆەستيسيالىق تابىس سوماسى 457،7 ملرد تەڭگەنى قۇراپ، ٴبىر جىل ىشىندەگى ٴوسىم – 56 پايىزدى قۇراعان.

«2018 جىلدىڭ 1 قاڭتارى مەن 31 قازانى ارالىعىندا زەينەتاقى اكتيۆتەرىنىڭ تابىستىلىعى 8،9 پايىز بولدى. بۇل كەزەڭدە ينفلياسيا دەڭگەيى 3،7 پايىزدى قۇرادى. ياعني، وسى كەزەڭدەگى زەينەتاقى اكتيۆتەرى بويىنشا ناقتى تابىستىلىق – 5،2 پايىز. جىلدىق تۇرعىدان الىپ قاراعاندا قوردىڭ زەينەتاقى اكتيۆتەرىنىڭ تابىستىلىعى 2017 جىلدىڭ 1 قاراشاسى مەن 2018 جىلدىڭ 1 قاراشاسى ارالىعىندا 10،2 پايىزدى قۇرادى. بۇل كەزەڭدە ينفلياسيا دەڭگەيى 5،3 پايىزدى كورسەتتى. وسىلايشا، تابىستىلىق ەكى كەزەڭدە دە ينفلياسيا دەڭگەيىنەن جوعارى»، -دەلىنگەن حابارلامادا.

بۇگىندە قور قىزمەتتەرىن قاشىقتىقتان الۋعا مۇمكىندىك بەرەتىن سەرۆيستەر سالىمشىلار مەن الۋشىلار اراسىندا بارعان سايىن تانىمال بولۋدا. قازىرگى كەزدە ەلەكتروندىق فورماتتا كورسەتىلەتىن وپەراسيالاردىڭ ۇلەس سالماعى 65 پايىزعا جەتىپ وتىر ەكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي