BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بجزق 9 ايداعى تازا ينۆەستيسيالىق تابىسىن جاريالادى

الماتى، baq.kz. 2018 جىلدىڭ 9 ايىنىڭ قورىتىندىسى بويىنشا ٴبىرىڭعاي جيناقتاۋشى زەينەتاقى قورى سالىمشىلارىنىڭ جەكە زەينەتاقى شوتتارىنا ەسەپتەلگەن تازا ينۆەستيسيالىق تابىس سوماسى جىل باسىنان بەرى 623،6 ملرد تەڭگەنى قۇرادى. بۇل تۋرالى بجزق ٴباسپاسوز قىزمەتى حابارلادى.

زەينەتاقى اكتيۆتەرى بويىنشا ينۆەستيسيالىق تابىستىڭ مولشەرى قارجى نارىعىنداعى احۋالعا جانە زەينەتاقى اكتيۆتەرى ەسەبىنەن ساتىپ الىنعان قارجى قۇرالدارىنىڭ باعاسىنا تاۋەلدى.

قر ۇلتتىق بانكى ۇزاق مەرزىمدى كەلەشەكتە تابىستىلىقتىڭ تۇراقتى دەڭگەيىن قامتاماسىز ەتۋ ماقساتىندا ٴوزىنىڭ ينۆەستيسيالىق ستراتەگياسىندا ٴارتاراپتاندىرىلعان ينۆەستيسيالىق پورتفەل تۇجىرىمداماسىن ۇستانادى.

«2018 جىلدىڭ 1 قازانىنداعى جاعداي بويىنشا قر ۇلتتىق بانكىنىڭ سەنىمگەرلىك باسقارۋىنداعى بجزق زەينەتاقى اكتيۆتەرى 8،9 ترلن تەڭگەنى قۇراپ، وتكەن جىلدىڭ سايكەس كەزەڭىنەن بەرى 1،4 ترلن تەڭگەگە ارتتى. ٴبىر جىل ىشىندەگى ٴوسىم – 17،9 پايىز بولدى. ال 2018 جىلدىڭ باسىنان بەرى ٴوسىم – 1،1 ترلن تەڭگەنى نەمەسە 14،4 پايىزدى قۇرادى»، - دەلىنگەن حابارلامادا.

قازىرگى ۋاقىتتا پورتفەلدىڭ نەگىزگى بولىگى «قازاقستان رەسپۋبليكاسىنىڭ مەملەكەتتىك قۇندى قاعازدارىنا» تيەسىلى ەكەن، ولاردىڭ پايىزدىق ۇلەسى – 46،83%. 9 اي ىشىندەگى قۇنى 578،09 ملرد تەڭگەگە ارتىپ، 4 165،72 ملرد تەڭگەنى قۇراعان، ٴوسىم – 16،1 پايىز.

«ەكىنشى ورىندا «قازاقستان رەسپۋبليكاسىنىڭ ەكىنشى دەڭگەيدەگى بانكتەرىنىڭ وبليگاسيالارى». ولاردىڭ پورتفەلدەگى ۇلەسى – 13،79%. ال اعىمداعى قۇنى – 1 226، 36 ملرد تەڭگە. ينۆەستيسيالاۋدىڭ تاعى ٴبىر باعىتى – قر كۆازيمەملەكەتتىك ۇيىمدارىنىڭ وبليگاسيالارى. ولاردىڭ پورتفەلدەگى ۇلەسى – 7،99 پايىزدى، ال اعىمداعى قۇنى 710،82 ملرد تەڭگەنى قۇرادى»، - دەلىنگەن حابارلامادا.

قر ەكىنشى دەڭگەيدەگى بانكتەرى ٴۇشىن جالپى سوماسى 200 ملرد تەڭگەنى قۇرايتىن وبليگاسيالىق باعدارلاما اياسىندا 2018 جىلدىڭ قىركۇيەگىندە جالپى سوماسى 29،37 ملرد تەڭگەگە قر ەكىنشى دەڭگەيدەگى بانكتەرىنىڭ وبليگاسيالارى ساتىپ الىنعان. مۇندا ورتاشا ولشەمدى كىرىستىلىك جىلىنا 12،00 پايىزدى قۇرايدى ەكەن. بۇل رەتتە بجزق زەينەتاقى اكتيۆتەرىنىڭ ينۆەستيسيالىق پورتفەلىندەگى بورىشتىق قارجى قۇرالدارىن وتەۋگە ورتاشا الىنعان كىرىستىلىك اعىمداعى جىلدىڭ 1 قازانىنا قاراي جىلىنا 6،9 پايىزدى، ونىڭ ىشىندە تەڭگەدە نومينيرلەنگەن قارجى قۇرالدارى بويىنشا جىلىنا 8،2 پايىزدى، ال شەتەلدىك ۆاليۋتادا جىلىنا 3،9 پايىزدى قۇرادعان.

بجزق زەينەتاقى اكتيۆتەرى ەسەبىنەن ساتىپ الىنعان وسى جانە وزگە دە قارجى قۇرالدارى تەڭگەدە (69،06%)، اقش دوللارىندا (30،52%) جانە رەسەي رۋبلىندە (0،34%) نومينيرلەنگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي