ٴبىر تەڭگەدەن ەكى تەڭگە جاساۋدىڭ جولى

از تاباسىڭ با، كوپ تاباسىڭ با، ٴبارى دە ادامنىڭ ٴوزىنىڭ قۇنتتىلىعىنا، ۇنەمشىلدىگىنە بايلانىستى. قاتار وتىرعان ەكى كورشىنىڭ ٴبىرىنىڭ ەڭبەكاقىسى ەكىنشى وتباسىنا تۇسەتىن تابىس كولەمىنەن اناعۇرلىم ارتىق بولعانىنا قاراماستان، كوپ تاباتىن وتباسى كورشىسىنەن اي سوڭىندا قارىز سۇراپ جۇرەتىن جاعدايلار از ەمەس. ياعني مول اقشانىڭ ٴوزىن ساۋساق اراسىنان اعىزىپ جىبەرىپ، ەرتەڭىن ويلامايتىن ازاماتتار جەتكىلىكتى. ال قور نارىعى - وندايلار ەمەس، تاپقانىن ۇقساتا بىلەتىن، ٴبىر تەڭگەدەن ەكى تەڭگە جاساۋعا ۇمتىلاتىندار ٴۇشىن تاپتىرمايتىن قۇرال. ونىڭ تاپتىرمايتىن قۇرال ەكەنىن دامىعان ەلدەردىڭ ازاماتتارى باياعىدا-اق بىلگەن، سوندىقتان دا ولاردىڭ كۇماجىندەرى تولىق، باسى-ارتىق اقشاسى دا ۇزدىكسىز جۇمىس ىستەپ جاتادى. بىزدە قور نارىعىنا دەگەن قىزىعۋشىلىق ەندى-ەندى باستاۋ الىپ كەلە جاتقان سىڭايلى. وسى ۋاقىتقا دەيىن جۇرت ارتىق اقشاسىن بانكتەردەگى دەپوزيتكە سالۋدى - تابىسىن ەسەلەيتىن جالعىز كوز رەتىندە تانىپ كەلدى. ٴالى سولاي. جىلىنا قوسىلاتىن 8 پايىزدىق تابىستى مىسە تۇتىپ كەلە جاتقاندار جەتكىلىكتى. قازاقستاندا جۇمىس ىستەپ جاتقان «ٴresmى» ينۆەستيسيالىق قارجى ٴۇيى اق-تىڭ جۇمىس ىستەپ كەلە جاتقانىنا 12 جىل بولعانىن بىرەۋ بىلسە، بىرەۋ بىلمەيدى. بۇل اكسيونەرلىك قوعامنىڭ قور نارىعىنا قاتىستى جاساپ جاتقان جۇمىستارى سان الۋان. سونىڭ ىشىندە ٴبىزدىڭ نازارىمىزدى اۋدارعانى جەكە تۇلعالاردىڭ ينۆەستور بولۋ ارقىلى تابىسىن ۇنەمى ٴوسىرىپ وتىرۋعا مۇمكىندىك الۋىنا باعىتتالعان جۇمىستار بولدى. وسى ماسەلەگە ەرەكشە نازار اۋدارۋىمىزدىڭ سەبەبى بەلگىلى. ويتكەنى اقشاسى كوپ الپاۋىتتار ونسىز دا ونى قانداي قارجىلىق قۇرالدارعا سالىپ، بايۋعا بولاتىنىن بەس ساۋساقتاي بىلەدى. قاراپايىم ازاماتتار ودان بەيحابار دەۋگە دە بولادى. سونىمەن، اتالعان كومپانيا قاراپايىم جەكە تۇلعالار ٴۇشىن ينۆەستور بولۋدىڭ ەڭ قاراپايىم باعىتتارىن ۇسىنادى. الدىمەن كومپانيانىڭ تاريحى مەن جەتىستىكتەرىنە تالداۋ جاسايتىن بولساق، ول 1997 جىلى «ٴresmى group» كومپانيالار توبىنىڭ شەڭبەرىندە ارنايى قۇرىلىپ، سودان بەرى قاراي اكتيۆتەردى باسقارۋ سالاسىنداعى نەگىزگى كورسەتكىشتەر بويىنشا كوشباسشىلىق جاساپ كەلە جاتىر. قازىرگى كەزدە ونىڭ جەكە كاپيتالى شامامەن 3،2 ملرد تەڭگەنى قۇراپ وتىر. داعدارىستىڭ ٴبىزدىڭ جاس بيرجا قورىمىزدى دا بىرنەشە جىلعا ارتقا اپارىپ تاستاي جازداعانىن بىلەمىز. سوعان قاراماستان، كومپانيا ەسەلەنگەن ىشكى باقىلاۋ جۇيەسىن ەنگىزىپ، تاۋەكەل-مەنەدجمەنت ساياساتىن وڭتايلاندىرىپ، تالداۋ بلوگىن كۇشەيتۋ ارقىلى، كليەنتتەرىنىڭ مۇددەسىن قورعاۋعا باعىتتالعان ىشكى شەپتى نىعايتقان. «ٴبىزدىڭ مىندەتىمىز - قازاقستان ازاماتتارىنان ينۆەستور دايىنداپ شىعۋ بولىپ تابىلادى. پايلىق ينۆەستيسيالىق قورلارعا ينۆەستيسيا سالعىسى كەلەتىندەردىڭ تولەيتىن العاشقى جارناسى 5 مىڭ تەڭگە. بۇل ٴاربىر قازاقستاندىق ازامات ٴۇشىن ەش قيىندىق تۋدىرمايدى. ٴوزى تاڭداعان پيق-عا اي سايىن سالاتىن ينۆەستيسياسىن جۇمىس ىستەيتىن جەرىندەگى بۋحگالتەريا ارقىلى اۋدارىپ وتىرادى. بۇل جەردە، ارينە، سالعان ينۆەستيسياڭىز كەي جاعدايدا ٴوزىڭىز ويلاعانداي بولماۋى دا، كەي كەزدەرى ەسەلەنە قايتۋى دا مۇمكىن. سەبەبى دەپوزيتتەگى سەكىلدى 100 پايىز كەپىلدىك جوق. تاۋەكەل جوعارى. تاڭداعان پايلىق قورىڭىز تابىستى بولسا، ٴسىزدىڭ دە تابىسىڭىز ايىنا 30 نەمەسە 50 پايىزعا ارتىپ وتىرۋى مۇمكىن. پيق-تارعا بۇگىندە 2 ملرد تەڭگەگە دەيىن قاراجات سالىنعان بولسا، ەكىنشى دەڭگەيلى بانكتەردىڭ دەپوزيتتەرىندەگى جەكە تۇلعالاردىڭ سالىمى 2-2،3 تريلليون تەڭگە. ٴبىزدىڭ ماقساتىمىز - دەپوزيتتەردەگى پايىزدىق مولشەرلەمەنى اسىرىپ قويۋعا تىرىسۋدامىز. ياعني قازاقستاندىقتاردىڭ تۇبىندە بانكتەرگە ەمەس، پيق-تارعا قاراي باعىت الىپ، ٴارى ەكونوميكانى ينۆەستيسيالاۋعا، ٴارى ٴوز تابىستارىن مولايتۋعا جول اشۋعا جاعداي جاساۋدامىز» دەيدى «ٴresmى» ينۆەستيسيالىق قارجى ٴۇيى اق ينۆەستيسيالىق دەپارتامەنتىنىڭ ديرەكتورى الەكساندر ماناەنكو. ونىڭ ايتۋىنشا، پايلىق قورعا ينۆەستيسيا سالعىسى كەلەتىندەرمەن الدىمەن اتالعان ينۆەستيسيالىق قارجى ٴۇيىنىڭ ماماندارى جۇمىس ىستەپ، قارجى ويىندارىنىڭ ادىستەرى مەن تاۋەكەلدەرى ٴتۇسىندىرىلىپ، قاي قوردىڭ جاعدايىنىڭ قازىرگى كەزدەگى كۇيى قاندايلىعىنا تالداۋ جاساپ بەرەدى. كليەنت ٴوزى تاڭدايدى، ەگەر ساۋاتى جەتپەي جاتسا، بروكەرلەر كەڭەس بەرەدى. ونىڭ ۇستىنە كليەنت ۇيىندە وتىرىپ-اق، قارجى ٴۇيىنىڭ سايتىنا كىرىپ، تانىسۋعا مۇمكىندىك جاسالعان. دەپوزيت نارىعى مەن قور نارىقتارى اراسىندا باسەكە تۋىنداي قويعان جوق دەسەك تە، تاپقان اقشاسىن جۇمىس ىستەتۋگە ۇمتىلعاندار ٴۇشىن وسىنداي كوزدەرى تاجىريبەگە ەنىپ كەلە جاتقانى كوڭىلدەرگە جۇبانىش سىيلايدى. پايلىق قورلارداعى ينۆەستورلاردىڭ 25 پايىزىن جەكە تۇلعالار قۇرايتىنى - وسىنىڭ دالەلى. «سامۇرىق-قازىناعا» قاراستى ۇلتتىق كومپانيالاردى جەرگىلىكتى قور نارىعىنا شىعارۋ قولعا الىنۋدا. ونداي جاعدايدا قور نارىعىندا جۇمىس ٴبىراز ىلگەرىلەيدى. ازاماتتار ٴۇشىن بەلسەندىلىك تانىتىپ، باسى ارتىق اقشاسىن جۇمىس ىستەتىپ جانە ونىڭ جۇمىس ىستەۋىن باسقارۋعا قاتىسۋ مۇمكىندىگى تۋادى. ٴبىر وبليگاسيانىڭ ەكىنشى وبليگاسيادان ايىرماشىلىعى نەدە ەكەنىن بۇگىندە كوبىمىز تۇسىنە بەرمەيمىز. ونداي جاعدايدا سول قورلارداعى ارنايى ماماندارعا ارقا سۇيەۋگە بولادى. قىسقاسىن ايتقاندا، اقشانى ەكىنشى دەڭگەيلى بانكتەردىڭ دەپوزيتتەرىندە 8-10 پايىزعا بايلاپ قويماي، تاۋەكەلگە بەل بۋىپ، دامىعان ەلدەردەگى سەكىلدى قارجىلىق قۇرالداردىڭ ارتۇرىنە سالىپ، تابىستى ەسەلەي تۇسۋگە جولدار اشىلۋدا. شەتەلدىك قارتتاردىڭ باسىم بولىگى اقشاسىن پايلىق قورلارعا سالىپ، ودان تۇسكەن تابىسقا ەل ارالاپ، جەر كورەدى. ٴبىزدىڭ ولاردان نەمىز كەم؟ تەك ەنجارلىقتان ارىلىپ، قور نارىعىن زەرتتەپ، تاۋەكەلگە بەل بۋساق بولدى. بىرىنەن ۇتىلارمىز، ەكىنشىسىنەن تابىسقا كەنەلەرمىز. «تاۋەكەل ٴتۇبى جەلقايىق وتەسىڭ دە كەتەسىڭ» دەگەن ٴسوز بەكەر ايتىلماعان عوي.الما مۇحامەدجانوۆا http://www.aikyn.kz/index.php؟option=com_content&task=view&id=6287&itemid=2

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!