BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بىلتىر 1 جاسقا دەيىنگى بالا كۇتىمى تولەمدەرىنە 106،5 ملرد تەڭگە ٴبولىندى

ٴبىر جاسقا تولعانعا دەيىنگى بالا كۇتىمىنە بايلانىستى جاردەماقى تولەمدەرىنە 2017 جىلى رەسپۋبليكالىق بيۋدجەتتەن 32،4 ملرد تەڭگە ٴبولىندى، دەپ حابارلايدى baq.kz اقپارات اگەنتتىگى.

وتكەن جىلى ٴبىر جاسقا دەيىنگى بالا كۇتىمىنە بايلانىستى جاردەماقىنى ورتاشا ەسەپپەن 145،7 مىڭ ادام الدى. بۇل رەتتە، جاردەماقىنىڭ مولشەرى وتباسىنداعى بالالار سانىنا قاراي سارالانىپ، 13 070 تەڭگەدەن 20 195 تەڭگەگە دەيىن بەرىلەدى. (13 070 تەڭگە - ٴبىرىنشى بالاعا، 15 452 تەڭگە – ەكىنشى بالاعا، 17 812 تەڭگە – ٴۇشىنشى بالاعا، 20 195 تەڭگە - ٴتورتىنشى جانە ودان كوپ بالاعا).

2018 جىلى بالا بiر جاسقا تولعانعا دەيiن ونىڭ كۇتiمiنە بايلانىستى اي سايىنعى مەملەكەتتىك جاردەماقى تولەۋگە رەسپۋبليكالىق بيۋدجەتتە 36،8 ملرد تەڭگە قاراستىرىلادى جانە جاردەماقىنىڭ مولشەرى وتباسىنداعى بالالار سانىنا قاراي 13 853 تەڭگەدەن 21 405 تەڭگەگە دەيىن تاعايىندالادى. (13 853 تەڭگە - ٴبىرىنشى بالاعا، 16 379 تەڭگە – ەكىنشى بالاعا، 18 880 تەڭگە – ٴۇشىنشى بالاعا، 21 405 تەڭگە - ٴتورتىنشى جانە ودان كوپ بالاعا)

مەملەكەتتىك الەۋمەتتىك ساقتاندىرۋ قورىنان 2017 جىلى جۇمىس ىستەيتىن ايەلدەرگە ٴبىر جاسقا دەيىنگى بالا كۇتىمىنە بايلانىستى 14،1 ملرد تەڭگە الەۋمەتتىك تولەمدەر بەردى.

وسى الەۋمەتتىك تولەمدى الۋشىلاردىڭ ٴبىر جىلداعى ورتاشا سانى 230،9 مىڭ ادامدى قۇرادى. بۇل رەتتە، تولەنەتىن الەۋمەتتىك تولەمدەردىڭ مولشەرى سوڭعى 2 جىلداعى ورتاشا ايلىق تابىستىڭ 40%-ىن قۇرادى.

سونداي-اق، 2014 جىلدىڭ باسىنان باستاپ، جۇمىس ىستەيتىن ايەلدەر ٴۇشىن ٴبىر جاسقا تولعانعا دەيىنگى بالا كۇتىمىنە بايلانىستى دەمالىستا جۇرگەندە، مىندەتتى زەينەتاقى جارنالارى سۋبسيديالانادى، بۇل جيناقتالعان زەينەتاقى قاراجاتىنىڭ ۇلعايۋىنا ىقپال ەتەدى. وسى ارالىقتا (2014-2017 جىلدارى) رەسپۋبليكالىق بيۋدجەتتەن زەينەتاقى جارنالارىن سۋبسيديالاۋعا جالپى 16،5 ملرد تەڭگە جۇمسالدى.

قر ەڭبەك جانە حالىقتى الەۋمەتتىك قورعاۋ مينيسترلىگى ٴباسپاسوز قىزمەتىنىڭ مالىمەتىنشە، جۇمىس ىستەمەيتىن ايەلدەرگە ٴبىر جاسقا دەيىنگى بالا كۇتىمىنە بايلانىستى جاردەماقى رەسپۋبليكالىق بيۋدجەتتەن، ال جۇمىس ىستەيتىندەرگە مەملەكەتتىك الەۋمەتتىك ساقتاندىرۋ قورىنان تولەنەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي