استانا: 
383 
0
استانا. 19 اقپان. baq.kz – 2015 جىلى وتاندىق ەكسپورتتاۋشىلاردى قولداۋعا 35 ملرد تەڭگە ٴبولىنىپ وتىر. ال 5 ملرد تەڭگە كولەمىندەگى قارجى كەپىلدىك بەرەتىن قورلاردىڭ قارجىلاندىرىلۋىنا جəنە جۇمىستىڭ باستالۋىنا بەرىلمەك. بۇل تۋرالى قر ۇلتتىق ەكونوميكا ٴمينيسترى ەربولات دوسايەۆ ورتالىق كوممۋنيكاسيالار قىزمەتىنىڭ بريفينگى بارىسىندا ٴمالىم ەتتى.
ٴمينيستردىڭ ايتۋىنشا ۇلتتىق قور "بəيتەرەككە" حولدينگىنە 100 ملرد تەڭگە كولەمىندە قارجى بولگەن.
«ونىڭ 15 ملرد تەڭگەسى ەكسپورتتاۋ جəنە ەكسپورتتاۋالدى قارجىلاندىرۋعا، 10 ملرد تەڭگەسى كەپىلدىك بەرۋ قورلارىنىڭ كاپيتاليزاسياسىنا بولىنبەك. 2016 جىلى كəسىپكەرلىك سۋبەكتىلەرىن قارجىلاندىرۋ ٴۇشىن "بəيتەرەك" اق-نىڭ ۇلتتىق قوردان الىپ جاتقان 100 ملرد تەڭگە كولەمىندەگى ۇزاق مەرزىمدى قارىسىنىڭ 75 ملرد تەڭگەسى 2015 جىلعا اۋىستىرىلدى. ونىڭ 20 ملرد تەڭگەسى وتاندىق كولىك شىعارۋشىلارعا، 10 ملرد تەڭگەسى ۆەرتولەت قۇراستىرۋشىلارعا، 5 ملرد تەڭگەسى جولاۋشىلار ۆاگونىن شىعارۋشىلارعا بولىنەدى. سونىمەن قاتار، ەكسپورتتاۋشىلاردى قولداۋعا 35 ملرد تەڭگە بەرىلمەك. ال 5 ملرد تەڭگە كولەمىندەگى قارجى كەپىلدىك بەرەتىن قورلاردىڭ قارجىلاندىرىلۋىنا جəنە جۇمىستىڭ باستالۋىنا بەرىلمەك، - دەدى مينيستر.
2016 جىلى قالعان 25 ملرد تەڭگە كولەمىندەگى قاراجاتتىڭ يگەرىلەتىندىگىن اتاپ ٴوتتى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5014
0